Penghidoepan Radja Belgie/Bab 5

Dari Wikisumber bahasa Indonesia, perpustakaan bebas

Satoe tjerita jang betoel
telah kadjadian di
Europa.

PENGHIDOEPAN RADJA BELGIE I.



Ditjeritaken
oleh :
TJOE BOU SAN.
BATAVIA
DRUKKERIJ SIN PO
1913

Pembagian Buku Penghidoepan Radja Belgie Berdasarkan bab

Bab 1 | Bab 2 | Bab 3 | Bab 4 | Bab 5 | Bab 6 | Bab 7 | Bab 8 | Bab 9 | Bab 10 | Bab 11 | Bab 12 | Bab 13 | Bab 14 | Bab 15 | Bab 16 | Bab 17 | Bab 18 | Bab 19 | Bab 20 | Bab 21 | Bab 22 | Bab 23 | Bab 24 | Bab 25 | Bab 26 | Bab 27 | Bab 28 | Bab 29 | Bab 30


V.


Penghidoepan permeisoeri Maria ada berdjalan dengeii soenji dan getir sekali. Apabilah dalem waktoe itoe tida ada kadoewa anaknja, Stephanie dan Clementine, bersama Barones de Meaublanc, jang sala-loe bri hiboeran padanja, nistjaja boleh ditentoeken, ia tida nanti sanggoep pikoel itoe kasedihan, jang sanantiasa ada menin-dih hatinja.

Sri baginda salamanja ada dalem perdjalanan, atawa, maski poen ia ada di as-tana, toch temponja salaloe misti digoenaken boeat berhimpoen, boeat kerdjaken oeroesan penting, jang berhoeboeng dengen niatnja, mempoenjaken satoe djadjahan, atawa laen dari itoe, aken diriken astana baroe.

Tinggal djinak didalem roemah, aken hidoep manis bersama anak dan istii, itoe belon pernah kadjadian satoe kali, sabegitoe lama baginda soeda bernikah pada permeisoeri. Ia paling senang kaloe bisa ada di kota Paiis, dimana samoea kaadahan ada kaliatan lebi indah dan lebi mengheranken hati dari di Brussel. Di sitoe poen baginda ada rasaken dirinja lebi merdika dari tinggal dalem astananja di kota Laeken. Dan kaloe penghidoepan di kota kota rameh soeda membikin bosan pada baginda, atjap kali djoega ia pergi ngoembara dengen kapalnja jang bernama „Alberta".

Saban-saban baginda poe'ang dari perîajaran, atawa perdjalanan, sanantiasa ada sadja satoe kaheranan baroe, jang menggeraki hati rahajatnja. Dalem iboe kota, begitoe poen dengen laen-laea kota dalem negrinja, salaloe tida terloepoet dari dajanja baginda, aken mendjadi lebi indah ka'adahannja.

Permeisoeri Maria, jang memangnja ada soeka sekali dengen koeda-koeda, ada kaliatan lebi oppèn pada itoe binatang-binatang, dan apabilah oedara djernih, boleh dibilang pasti, tida ada satoe hari jang pendoedoek kota Brussel, tida dapet meliat djoengdjoengannja berdjalan-djalan dengen kandaran ka sana-sini.

Koetika itoe poetri Stephanie soeda beroesia lima belas tahon. Boeat satoe anak radja, dalem oemoer sabegitoe, saban wak­toe bisa kadjadian, nanti ada poetra dari laen-laen negri dateng meminang. Lanta­ran itoe poen permeisoeri sanantiasa berharep-harep, poetrinja jang kadoewa, bisa dapet peroentoengan, melebiken soédaranja, dari siapa malaeakan terdapet kabar, tentang berbagi-bagi kasedihan.

Pada soeatoe pagi dari tahon 1879, oedara ada djernih sekali, hingga dari berbagi-bagi fihak, langit ada kaliatannja biroe. Angin jang menioep ada teramat sedjoek. Emboen masi kaliatan berkilat-kilat di daon-daon poehoen, seperti aer mata dari orang jang sanget bergirang. Tatkalah memboeka djendelah kamar, permeisoeri laloe dapet menjioem baoenja kembang-kembang jang haroem, hingga terbitlah satoe kainginan, aken berdjalan-djalan tjari sedikit hiboeran boeat hatinja jang sedeng berdoeka.

Samantara itoe permeisoeri lantas mengasi taoe niatnja pada peetri Stephanie dan Baron de Goffinet, dan tida sabrapa lama kamoedian, tiga orang itoe laloe ambil djalanan Louise, menoedjoe ka rimba. Poetri Stephanie roepanja sanget bergi­ rang; sabentar-bentar ia boenjiken tjamboeknja, dan tertawa njaring, koetikakoedanja berdjingkrak-djingkrak. Baron de Goffmet poen toeroet tertawa, tatkalah meliat ia poenja poetri bersama koedanja, ada begitoe goembira. „lni koeda girang, akoe poen toeroet-toeroetan girang, lantaran oedara di ini pagi begitoe djernili!" kata poetri Stephanie dengen boengah hati.

„Soekoer, anak, kaloe sasoenggoenja tjoema lantaran ini oedara, soeda bisa mem­bikin kaoe djadi begitoe girang," kata permeisoeri dengen bersenjoem.

Poetri poenja moeka mendjadi mera. Apatah dengen kaloearken itoe perkatahan, boleh dianggap jang permeisoeri kenah djadjaki resia hati anaknja?

Masi anak-anak seperti adanja ia di itoe masa, adalah soesa sekali aken ia menjimpan pengrasahan hatinja, dan boekan sadja ia poenja iboe, hanja djoega samoea njonjanjonja di astana, telah dapet kanjatahan dari gerak-gerakannja, bahoewa Aartshertog Rudolf van Oostenrijk, jang beroesia tjoema anam tahon lebi toewa dari ia, soeda dapet mentjoeri hatinja.

Habis dengen mendadak iboenja berkata begitoe roepa, ini soenggoe membikin poetri kita djadi boengkam aken membri penjaoetan lagi. Aken tetapi, apatah memang ada halangan, aken ia bilang teroes terang pada iboenja? Apatah misti merasa maloe, kaloe ia kasi taoe sadja, jang Aartshertog Rudolf ada ditjinta olehnja? Tida, hal menjinta dengen sadjamaknja ada pada lelaki atavva pada prampoean !

Kaloe poetri Stephanie merasaken ada halangan, atawa maloe mengoetaraken itoe, adalah lantaran ia masi beroesia terlaloe moeda, hingga belon kenal baek perdjalanan doenia. Dan boeat manoesia, me­ mang poen soeda loemra, apa jang lebi disoeka, lebi lagi djarang dibitjaraken olehnya.

Permeisoeri mengarti ini hal, maka ia tida sekali maoe paksa anaknja, aken tjeritaken itoe resia jang ada dalem hatinja. Lagi poen pertjintahannja Stephanie pada Rudolf, haroes dipandang seperti satoe harepan, jang ada sapoeloe kali lebi broentoeng dari nikahannja Louise. Kerna, begitoe lekas tampangnja Prins van Saksen-Coburg bisa menerbitken hati tjoeriga, begitoe lekas djoega aer moekanja itoe Aartshertog moeda, bisa membikin orang satoedjoe dan pertjaja.

Maski poen Aartshertog masi beroesia moeda, tida loepoet ia soeda mem poenjaken kasiat jang tjerdik. Boedi perketinja salaloe ada manis sekali, dan dalem pengataoehan poen, ia ada sampe terpladjar tjoekoep. Matanja ada poenja sorot, jang bisa geraki orang, aken mengandel padaiija. Singkapnja ada gaga perkasa, serta lagi kamoedian ia ada poenja hak aken memakeh makota dari negri Oostenrijk. Lantaran itoe, tidalah heran, kaloe baroe poetri Stephanie dapet ditjoeri hatinja, kerna dalem ka'adahan begitoe, sering sekali nona-nona memasang pikat boeat dapeti itoe katjintahan.

Permeisoeri tida mendapet taoe, jang di hari kamaren, poetrinja ada bitjara pada itoe Aartshertog, dan telah bikin perdjandjian, aken bertemoe poelah satoe sama laen dimana rimba.

Inilah jang membikin Stephanie djadi begitoe girang, hingga dimana sadja ia berdjalan, salaloe matanja meliat koeliling, sabagi orang maoe tjari apa-apa.

Samoea orang jang kenal pada marika bertiga, salaloe berdiri diam, sembari me­ngangkat topinja aken membri hormat, tapi dalem bebrapa banjak kali pendoedoek Brussel berboeat demikian, belon pernah iaorang ada dapet balesan begitoe manis, seperti di ini kali poetri Stephanie berlakoe pada marika.

Dengen plahan katiga orang itoe berdjalan, tapi Stephanie sabagi merasaken jang koedanja ada bertindak terlaloe tjepat, dan sabentar-bentar ada merasa kwatir, aken perdjalanan di itoe rimba nanti lekas sekali sampe pada achirnja, sabelon ia bisa bertemoe pada itoe aartshertog moeda.

Dengan sakoenjoeng-koenjoeng dari tempat jang djaoe, ada terdenger soeara daon berkrisik. Apatah itoe tanda djoega masi bisa mendjadi salah ?

Poetri sigra menahan kendali koedanja, dan mendengeri dengen terliti. Tida, ia poenja pengrasahan tida mendjoestaken padanja . . . Itoe soeara boekan terdjadi lantaran laen!

Achir-achir ada terdenger djoega tindakan koeda, dan sasa'at kamoedian laloe kaloear dari alingan poehoen, satoe djedjakamoeda dengen berpakean satjara sport.

Tatkalah soeda dateng dekat, laloe ia membri hormat pada permeisoeri, kamoedian bertabean pada poetri Stephanie dan Baron de Goffinet.

„Soenggoe kabetoelan sekali !" berkata permeisoeri sembari tertawa. „Apatah kaoe atjap kali soeka berdjalan-djalan di ini rimba ?"

„Ja, njonja, kaloe akoe bisa dapet katentoean, aken sanantiasa bertemoe pada kaoe bertiga," kata aartshertog, „nistjaja boleh dipastiken, akoe nanti berdjalan-djalan di sini pada saban pagi."

„Djika kaoe maoe tjeritaken pada toewan baron, hal pertoendjoekan komedi saraalem," kata poelah permeisoeri dengen maenmaen, „dengen segala senang hati akoe soeka mengalah, dan berdjalan di moeka bersama poetri."

„Kaindahan di üii tempat ada terlaloe toelen, njonja, aken akoe misti perhatiken lagi, kabagoesan itoe komedi dari bikinan manoosia," kata lagi aartshertog sembari bersenjoem. „Bilah njonja soeka membri idjin, akoe ada merasa lebi senang, kaloe njonja berdjalan teroes bersama toewan baron, sedeng akoe memboentoeti dari blakang. Katjoewali . . . djika njonja ingin laen."

Tapi dalem samantara itoe Stephanie soeda berdjalan di samping aartshertog, dan sembari meliati iboenja, poetri itoe berkata :

„Mama poen ini hari ada sanget bergirang, dan tida maoe liat laen dari moeka jang berseri."

Kamoedian, sembari beromong-omong, ampat orang itoe teroesken perdjalanannja. Rudolf dan Stephanie, kaliatannja ada jang paling tida bisa bosan, dalem membitjaraken berbagi-bagi hal. Sabentar iaorang menjindir, kamoedian laloe tertawa sampe masing-masing poenja moeka mendjadi mera, dan begitoe teroes, sabagi apa jang diomongi tida ada achirnja.

Satelah berdjalan saprapat djam lamanja, masing-masing ada dapet ingetan aken balik poelang. laorang berlaloe dari itoe rimbah, dan ambil djalanan besar jang teroes ka kota.

Kira-kira baroe sampe satengah perdjalanan, tiba-tiba iaorang berpapasan dengen satoe kandaran, dimana ada berdoedoek satoe njonja toewa bersama satoe prampoean moeda. Koetika itoe, jang moeda ada toetoepi, moekanja dengen pajoeng.

Kandarannja ada biasa sadja, dan barangkali poen tjoema boleh dapet disewa di tengah djalan.

Tapi sabaliknja itoe doewa prampoean, ada berpakean perlente sekali. Si njonja toewa, jang salaloe ada meliat koeliling, maski poen ramboetnja soeda beroeban, toch roepanja masi lebi mirip diseboet tjantik, dari pada dikenaken dengen moeka orang jang soeda kolot. Permeisoeri bersama tiga penganterrijai barangkali djoega nanti tida perhatikeiii pada itoe doewa orang, kaloe tida si njonja toewa deugen sakoenjoeng-koenjoeng lantas berseroe:

„Tjoba liat, Marie, apatah ka'adahan di sini tida sama sekali dengen taman di kota Weenen?"

Satoe-satoe perkatahan ada dioetjapken begitoe njaring, hingga aartshertog mendapet denger, dan dengen tida sangadja, laloe meliat pada itoe doewa prampoean, betoel dalem waktoe si tjonja moedakasi minggir ka samping ia poenja pajoeng, aken saksiken, apa jang begitoe terlatèn. soeda dioendjoeki padanja.

Samantara itoe dengen mendadak moekanja aartshertog mend jadi poetjat sabagi mait.

„Kaoe kanapa, toewan?" tanja Stephanie, dengen merasa amat heran.

„Akoe? Tida!"

Aken tetapi poetri masi merasa koerang: pertjaja, hingga dengen tida soedanja, ia meliati moeka djantoeng hatinja, sembari berdjalan lebi djaoe.

Permeisoeri, jang berdjalan di moeka. bersama baron de Goftinet, lantaran tida. mendenger lagi tertawan ja marika berdoewa, laloe berpaling ka blakang. Tapi ia tida raaoe lantas menanja, apa jang mendjadi sebab, hanja malaenkan berkata-kata sedikit goembira, aken membikin girang kombali, hatinja ia poenja penganter.

Samantara itoe sampelah di tempat, dimana iaorang misti berpisa satoe sama laen.

Di itoe malem poetri Stephanie tida bisa dapet tidoer dengen senang, begitoe poen Aartshertog Rudolf, misti rebah di pem­baringan lama sekali, dengen terganggoe oleh berbagi-bagi pikiran.

„Kanapa ia dateng kamari?" menanja ia pada diri sendiri dengen rasa amat kwatir. „Dan apatah jang mendjadi kahendaknja?"

____________________