Kabesarannja Khong Hoe Tjoe/Bab 3
OLEH NJONJA C. E. COULING
DALEM ENG. SINICA.
Dalem ini artikel Njonja Couling boekan sadja membitjaraken poko peladjaran dari Khong Tjoe, tapi djoega ia ada roendingin itoe soeal jang dari doeloe rame dibitjaraken, apa Khong Kauw tjoemah satoe philosofie, atawa satoe agama. Dalem tempo belakangan, berhoeboeng dengen itoe pergerakan besar di Tiongkok boeat memadjoeken Khong Kauw, kembali beberapa orang ternama, antara mana ada djoega Mr. Wang Ching Wei, telah menjataken Khong Kauw ada satoe peladjaran moraal tapi boekan agama. Berhoeboeng dengen koekoehnja, ini anggepan maka kita rasa ada penting aken orang taro perhatian pada apa jang Njonja Couling bilang dalem iapoenja toelisan tentang Confucianisme jang kita salin di bawah ini, - K. T . H).
Confucianisme atawa Khong Khauw ada sakoempoelan peladjaran-peladjaran Nabi- nabi koeno di Tiongkok, jang komoedian dikoempoel dan dipilih oleh Khong Tjoe, jang poedji dan siarken delem iaponja pengadjaran dan toeladan, lantes ditoetoerken oleh moerid-moeridnja jang paling deket, dikoempoel dan dipersatoeken oleh Mencius (Bing Tjoe), dan diwoedjoetken dalem ka'ada'an seperti jang tertampak sekarang oleh Chu Hsi, serta sampe di ini sa'at tinggal mendjadi satoe kapertjaja'an atawa penganoetan dari bangsa Tionghoa.
Khong Kauw ada diseboet dengen berbareng sabagi satoe agama dan satoe philosofie. Kabanjekan toekang kritiek bangsa asing, dan djoega beberapa orang Tionghoa, telah menolak boeat akkoein Khong Kauw sabagi satoe agama, kerna sasoenggoenja djoega kaloe itoe „agama" maoe diartiken satjara kapertjaja'an Barat memang Confucianisme ada laen djaoe, kerna Khong Tjoe menentangin pada kapertjaja'an atas adanja satoe Allah persoonlijk jang beroepa sabagi pemimpin manoesia ; djoega Khong Tjoe tida pernah goenaken dowa-dowa, katjoeali boeat „memberi kabar" pada roh-roh dari kake-mojang atas kadjadian-kadjadian jang penting, dan pernahken anggepan. tentang penghidoepan di acherat di loear dari peladjarannja katjoeali dalem oepatjara memoedja pada leloehoer.
Aken tetapi ada beberapa bagian dari peladjarannja Khong Tjoe dan Bing Tjoe jang bisa meroepaken agama. Sabagi tjonto, di dalem kitab Loen Gie ada terdapet pengoendjoekan atas adanja perhoeboengan antara Khong Tjoe dengen Thian, pada, siapa Khong 'Tjoe sering berdowa, dan iapoenja sikep jang hati-hati dan tida soeka bitjara tentang roh-roh ada berdasar atas perasa'an menghormat dan insjaf atas tjoepetnja iapoenja pengatacean tentang itoe hal, dan boekan sekalih dari merasa tjoeriga atas adanja kahidoepan di komoedian hari. Maski bagimana poen adanja Khong Tioe poenja anggepan tentang roh dari orang-orang jang mati, ia dengen tetep pandang itoe segala oepatjara sembahjangan pada roh leloehoer ada penting sekalih, Maka boeat itoe bermillioenan orang di Tiongkok, biar bagimana djoega, Confucianisme sedikitnja masih bisa dipandang sabagi pengganti dari agama.
Ada djoega jang bilang Khong Tjoe poenja peladjaran ada berdasar atas philosofie, dan memang betoel sastrawan-sastrawan di djeman Sung dijnastie ada taro banjak perhatian pada peladjaran tentang cosmogony atawa kadjadiannja ini alam, dengen berdasar atas katerangan dari kitab Yi King jang komoedian dipersatoeken dengen laen-laen peladjaran dari Khong Tjoe jang lebih gampang dimengarti dan didjalanken. Tapi apa jang Khong Tjoe sendiri ada kandoeng dalem hatinja boekan boeat menjiarken samatjem Agama atawa Philosofie: ia tjoemah taro perhatian pada satoe tjabang sadja dari philosofie, di bagian jang mengenaken Ethics atawa moraal, jaitoe mengadjar manoesia bocat mendjadi baek, bener, sopan dan mengenal kawadjiban, teroetama jang berhoeboeng dengen Pamerentahan negri, dan maskipoen sasoedah berselang sakean abad iapoenja peladjaran telah menampak banjak perobahan, tapi belon pernah menjelisir djaee dari Itoe Goeroe poenja poko pertengahan. Itoe atoeran examen tjara koeno di Tiongkok ada mengoendjoekken bahoea pengartian atas Khong Tjoe poenja peladjaran ajawa pengataoean jang sampoerna atas iapoenja kitab kitab ada perminta'an satoe-satoenja jang dimadjoeken pada saorang jang hendak memangkoe djabatan negri, dan Khong Tjoe sendiri soedah liwatken sabagian besar dari penghidoepannja dalem kraton radja-radja boeat tjoba pengaroehin marika soepaja djalanken pamerentahan negri dengen beres dan adil, dan tjoemah sasoedah gagal dalem ini pertjoba'an baroelah ia mengadjar moerid-moeridnja ilmoe memerentah negri.
Dari boekoe-boekoe hikajat koeno ada ternjata, bahoea berbareng dengen berbangkitnja dijnastie Chou telah moentjoel djoega, maski dengen perlahan, pemisahan pada itoe pikiran koeno di Tiongkok. Bagian jang paling besar, jang anggepannja mirip dengen Taoisme, ada dojong pada poko peladjaran jang berlakoe di djeman dijnastie Shang, samentara bagian jang ketjilan, tapi komoedian ternjata ada lebih penting, telah disetoedjoei oleh Khong Tjoe, jang soedah bekerdja banjak sekalih boeat bikin djadi lebih sampoerna. Khong Tjoe ada sanget kagoemin pada kapandean dan priboedinja Chou Kung jang ia djadiken sabagi model atawa tjonto.
Pada djemannja Khong Tioe, Tiongkok ada dalem kakaloetan besar; Centraal Gouvernement ada lemah dan radja-radja ketjil selaloe riboet bermoesoehan satoe sama laen. Aken semboehken penjakit dari itoe djeman kaloet Khong Tjoe poedjiken pendidikan, boekan pendidikan oemoem goena samoea rahajat, hanja pada sagolongan orang-orang jang soedah terpilih, dan malah ini orang-orang jang terpilih poen aken terima didiknnja jang pertama dalem pakerdja'an sabagi pegawe negri.
Ini pikiran dari Khong Tjoe achirnja telah disetoe-djoein, tapi boekan tida dapet lawanan sengit dari fihaknja laen-laen achli pemikir jang djadi saingannja. Goeroe-goeroe Taoist, demikian poen philosoof-phielosoof jang ternama sabagi Mo Tze, Hsun Tze dan. Yang Tze, telah saling berbantah dengen pemimpin- pemimpin Khong Kauw jang toeroet betoel peladjarannja Khong Tjoe, Komoedian telah moentjoel poelah Buddhisme, Islam dan paling belakang Kristen, jang samoea mengasih peladjaran jang berbeda'an djaoe dan masing-masing telah beroleh hatsil. Tetapi kapan itoe roepa-roepa agama dan peladjaran samoea dikoempoelken atawa digaboeng mendjadi satoe, pengaroehnja bagi Tiongkok dan bangsa Tionghoa boleh dibilang tida beriirti djikaloe dibandingken sama peladjarannja Khong Tjoe, jang dengen satjara adjaib ada mendjadi sabagi katja dari bangsa Tionghoa poenja pikiran oemoem, jang tida begitoe setoedjoe pada segala matjem ilmoe memikir jang berdasar atas doega-doega'an bersifat samar, hanja lebih taro perhatian pada peladjaran moraal jang berdasar atas liangsiem daa tjingli. Ini matjem tabeat oemoem dari bangsa Tionghoa, ditambah poelah oleh priboedi dan kabedjikan jang tertampak pada Khong Tjoe sendiri poenja perdjalanan dan penghidoepan, ada djadi lantaran jang Khong Kauw dapet kadoedoekan paling tinggi dan paling tegoeh di Tiongkok.
Khong Tjoe tida ada tinggalken katerangan jang djelas dan rapih tentang iapoenja peladjaran, dan kitab Tjhoen Tjhioe ada boekoe satoe-satoenja jang ia karang sendiri, berisi riwajat dari Karadja'an Lu, negri kalahirannja. Kitab-kitab klassiek jang Khong Tjoe terbitken telah disiarken oleh moerid-moeridnja jang koempoel djoega iapoenja peladjaran dan oedjar-oedjar, tapi tida diatoer dengen rapih hanja tertjampoer adoek. Boeat gantinja ilmoe occult (gaib) dan segala matjem pri moedjidjat jang Khong Tjoe tentangin atawa djaoehin, ia mengadjar bagimana orang haroes lakoeken pakerdja'an dan kawadjiban sahari-heai jang tetampak di depan mata. Tetapi kaliatannja ia terima baek dengen zonder bersangsi lagi itoe segala katerangan dari djemyan koeno tentang sifatnja ini alam, atoeran boeat: noedjoemken apa jang. aken. terdjadi (seperti terloekis dalem Yi King) dan kabiasa'an sembahjang, moelai dari sembahjangan jang. dibikin oleh Keizer pada. Langit atawa Shang Ti, sampe jang dilakoeken oleh saorang tani jang paling rendah boeat memoedja pada roh lelochoernja, Belakangan baroelah moerid-moeridnja Khong Tjoe adaken satoe atoeran jang beres dan terang atas ini matjem kabissa'an serta bikin banjak perobahan, maskipoen toedjocannja tjoemah boeat petjahken maksoednja itoe peladjaran jang beritsal dari djeman koeno.
Confucianisme ada satoe koempoelan peladjaran-peladjaran moraal jang moelja serta menjotjoki antara satoe dengen laen, berdasar atas kapertjaja'an dan poko toedjoean di bawah ini:
I. Ini Alam (Universe) da diatoer oleh satoe matjem Wet jang mempoenjai sari bersifat Moraalatawa Kabeneran dan Kabedjiken.
II. Manoesia ada machloek jang paling tinggi dari ini doenia: sasoeatoe orang ada djadi samatjem doenia keljil, dan lantaran begitoe maka menoeroet wet naluur wateknja ada baek, kerna mempoenjai djoega kakoeasain jang beritsal dari Thian boeat tinggal baek, sedeng kamerdika'an aken memikir atawa mendjalanken kainginannja poen dianggep soedah pasti sekalih.
Ini matjem peladjaran, jang soedah dipandang bener sadari doeloe kostika sabelonnja Khong Tioe terlabir, telah ditetepken poelah oleh Bing Tjoe, dan ada djadi salah-satoe batoe fondament dari kapertjaja'annja orang Tionghoa, maskipoen adanja anggepan berlaenan dari Hsun Tze jang menjataken tabeat alawa wateknja manoesia ada djahat, dan dari Yang Hsiung, jang bilang watek manoesia ada mempoenjai doea-doeassifat djahat dan baek. Bing Tjce poen pertjaja bahoea manoesia ada mempoenjai dasar kcuwkati dan dermawan, tapi ia anggep doea-doeanja adu baek.
III, Manoesia berbosat kasalaban (1) lantaran koe tang perigataoean dan (2) kena pengaroehnja toeladatn jang djelek.
IV. Boeat perbaekin itoe ka'ada'an maka perloe dengen pendidikan dan toeladan jang baek. Itoe pendidikan ada soeker didapet dan tjoemah sedikit jang bisa 'poenjaken (pendidikan jang dimaksoedken oleh Khong Tjoe jaitoe pendidikan morzal. K. 'T. H.) tetapi “djikaloe itoe sedikit orang ada dj: di pembesar-pembesar negri jang memegang kawadjiban sabagi pemimpin atawa tetoea dari rahajat, maka marika, salaennja nanti memerentah dengen beres, djoega mengasih tjonto dan toeladan jang baek aken ditiroe oleh orang-orang biasa.
V. Pendidikan jang perloe bagi orang jang hendak djadi pembesar negri moesti bersifat lahir dan batin: itoe orang-orang jang hendak djadi pemimpin rahajat haroes perbaeki dirinja sendiri lebih doeloe sabelonnja bisa perbaeki laenlaen orang. Itoe kamadjoean didikan lahir jang marika haroes poenjaken jaitoes (1) peladjaran dari Nabi-nabi dan Poedjonggo-poedjonggo dari djeman doeloe jang oedjar-oedjarnja haroes diinget di loear kapala dan difahamken sampe mengarti betoel, dan (2) taro perhatian soenggoe-soenggoe pada segala oepatjara sembahjangan, begitoe poen atoeran kasopanan dan kaberesan boeat digoenaken dalem pergaoelan, jang haroes dilakoeken dengen terliti sampe pada bagian-bagian paling ketjil, jang koedoedipegang teroes maski djoega di waktoe bersida sendirian, Ini tjara pendidikan lahir dari Khong Tjoe boleh dibandingken dengen Pascal poenja oetjapan, bahoea perhatian jang keras pada segala atoeran oepatjara Geedja achirnja nanti mengandjoerin timboelnja kasbedjoetan dan kabaktian satjara Kristen.
VI. Itoe tjara pendidikan batin jalah selaloe haroes menghormatken pada diri sendiri sabagi machloek jang berboedi, dengen teroetama diperingetken aken mengawasi apa jang kita lakoeken di dalem kasoenjian salagi berida sendirian dan waktoe tida ada halangan atawa larangan jang menjegah aken orang berlakoe sakahendak batinja. Ini matjem perboeatan jang dilakoeken dengen diam diam boeat pegang tegoeh Fri kabedjikan di waktoe berada sendirian seperti djoega salagi berhadepan dengen orang banjak, jaitoelah jang dinamaken ,,kadjoedjoeran“ seperti jang diadjar dalem kitab Tiong Yong.
VII. Apa jang dinamaken sifat kabaekan ada terdiri dari: (1) Djin jang djadi poko dari kabedjikan, dan itoe perijoba'an aken artiken Djin dangen berhati-baek, dermawan, pri kawelasan, sijmpathie, persoedara'an atawa persobatan, masih belon kena betoel. Artian jang paling deket jaitoelah ,,Pri katjinta'an jang bikin orang tida mempoenjai ingetan djahat pada tetangga atawa sesamanja.“ Ini matjem perkata'an ada soesah sekalih ditetepken dengen pasti dan ada amat banjak djalan boeat dipake, maka itoe Djin terkadang kita dapetken ada dipake sabagi poko dari kabedjikan, dan tempo-tempo boeat oendjoek iapoenja sifat dalem prilakoenja manoesia. Sabagi diterangken oleh Bing Tjoe, itoe Djin ada bagian jang dermawan dari wateknja manoesia jang bekerdja dengen sendirinja zonder didjoeroengin atawa diandjoerin lagi. (2) Kabedjikan besar jang kadoea adalah Gie, jaitoe ka'adilan atawa kabeneran, jang djadi toekang menindes pada itoe nafsoe aken oetamaken kapentingan atawa kabaekan boeat diri sendiri sadja kapan diminta boeat lakoeken apa-apa goena laen orang. (3) Jang katiga jaitoelah Lee, jang dengen tiada tjotjok orang biasa artiken ,,kapantesan": di dalem Lee ada terdapet kamoestian aken djalanken oepatjara sembahjang dan perädatan dengen beres dan betoel, dan begitoe poen atoeran perädaban di dalem pergaoelan antara orang banjak, jang samoea ada mempoenjai harga dan kafaedahan jang bisa lantes ternjata kaliatan atawa memberi pengaroeh pada batin. (4) Jang ka'ampat ada Ti, jaitoe kapinteran, katadjeman otak, pertimbangan jang sehat dan bisa membedaken antara salah dan bener, antara Jang berfaedah dan tida bergoena, dan laen-laen lagi. Ini ampat matjem poko peladjaran ada apa jang Beng Tjoe telah fahamken dari Khong Tjoe poenja Djim. (5) Jang kalima ada Sin, jang djadi samatjem pertambahan, dan berzirti setia, tida perna moengkir djandji dan sabaginja lagi, dan ini lima ada apa jang dinamaken sabagi Lima Kabedjikan jang mengenaken sa'antepo kawadjiban dari manoesia, dan ada djadi r€endengan moraal dari itoe Lima Sifat dari ini alam, jaitoe Logam, Kajoe, Aer, Api dan Tanah. Menoe. roet kapertjaja'an dari kaoem Khong Kauw, kapan sa Grang jang terdidik satjara di atas memangkoe djabatan negri, ia nanti bisa ,,bangkitken kabedjikan antara rahajat”, samentara djikaloe ketemoeken djeman kaloet jang bikin ia tida bisa pangkoe djabatan negri, ia aken mendjadi satoe soember kakoeatan bagi dirinja sendiri dan bisa ,ambil sendiri satoe djalanan.”
Ini matjem peladjaran moraal dari Khong Tjoe orang sering bandingken dengen Sfoicism, jaitoe sikep tida perdoeliken kasenangan dan kasoesahan, tinggal diamatas apa jang aken terdjadi kapan di dalem hati orang merasa soedah lakoeken kawadjiban sabagimana moesti. Memang betoel itoe peladjaran tida tjoekoep loeas dan. masih banjak kakoerangan. Khong Tjoe tida menimbang atawa mengoesoet dengen betoel itoe kaada'an moraal, itoe pengataoean atas bener dan: lah, jang ada tertampak pada manoesia. Soeal djahatan Khong Tjoe tida perna hadepken atawa roendingken biar djelas sampe di poko dasarnja: ini soeal ia djaoeken dan malah tida taro perhatian sama sekalih. Peladjaran Khong Tjoe djoega soedah tida memberi kapoeasan pada itoe andjoeran jangada tersemboeni paling dalem di hatinja manoesia, maka ini kakoerangan moesti didjangkepken oleh Buddhisme daa Taoisme. Tetapi sabaliknja, itoe peladjaran moraal jang Khong Tjoe adjar ada agoeng dan moelja: iapoenja peladjaran tentang kadjoedjoerannja watek mancesia ada ditoedjoeken boeat demoeratie, jaitog pamerentahan negri menoeroet kainginan orang banjak, la soedah bisa singkirken itoe samatjem kaboeroekan jang biasa timboel dari lantaran adanja pendita-pendita agama jang seringkalih sesatken rahajat dan ia bikin sekalian pembesar negri, dari Keizer sampe ambtenaar jang paling rendah, menggantiken djadi panditanja rahajat. Dalem tempel-tempelnja (bionja) Khong Tjoe tida perna dilakoeken itoe kabiasa'an memetangin atawa menoedjoemin ; menjembah pada berhala-berhala poen tida di-idzinken, dan malah penjembahan pada Khong Tjoe poenja patoeng sendiri poen dimana bisa telah ditjegah, samentara kamoestian aken mendjalanken Hauw atawa berbakti pada orang toea sendiri ada djadi satoe kaoentoeogan bagi bangsa Tionghoa poenja kabedjikan moraal. Begitoelah Khong Tjoe poenja peladjaran soedah bikin bangsa Tionghoa poenja maatschappy telah berdiri dengen tegoeh dan kêkêr dalem begitoe banjak abad lamanja, dan bakal djadi satoe dari tenaga-tenaga jang paling besar dan penting boeat tjiptaken bangsa Tionghoa poenja nasif di hari komoedian.
Demikianlah ada boeah pikiran dari Njonja C. E. Couling jang télah bébér toedjoeannja peladjaran Khong Tjoe, dan maskipoen ini penoetoeran ada ringkes tapi sampe terang boeat orang beladjar kenal pada poko dasarnja jang paling penting.
Oedjar paling pengabisan dari toelisan di atas, jang bilang peladjaran Khong Tjoe bakal ambil bagian penting boeat tjiptaken bangsa Tionghoa poenja nasif di hari komoedian, sekarang moelai terboekti kabenerannja. Pamerentah Nationaal telah mendoesin jang Tiongkok tida bisa madjoe kapan peladjaran Khong Tjoe disia-sia, hingga sekarang telah timboel itoe gerakan besar boeat permoeljaken pada itoe Nabi dan siarken biar loeas peladjarannja.