Tjerita-tjerita dari negeri Atjee/PERANG DI TJOT-RANG.
Pelahan-pelahan lantas dija di angkat, soepaja boleh tidor lebeh gampang, dan boleh di boengkoes loeka-loekanja.
Oesoesnja di tjoetji dahoeloe sebab kotor kena tanah, lantas di bawa ka-Toenkoep.
Sebelas boelan dija tinggal sakit, dan tiga boelan lamanja dija tida tahoe apa-apa.
Tempo dija bajik sedikit, dija pegi ka negeri blanda, dan di sini dija di obati sampej doewa tahon lagi dija boleh djalan tida pakej toengket, tetapi djari tengahnja tinggal bengkok, djari oendjoeknja tida berasa apa-apa dan djempolnja tinggal kakoe.
PERANG DI TJOT-RANG.
7 Augustus 1882.
Pagi-pagi hari tanggal toedjoe boelan Augustus tahon 1882, djam poekoel setengah ampat, di tempat antree di benteng Lambaroe, ada bediri satoe patroeli. Patroeli ini koewatnja doewa littenan, ampat selompret, doewa poeloeh anam soldadoe belanda dan anam poeloeh toedjoe soldadoe djawa. Kommandannja toewan kaptin Bode. Orang-orang ini maoe di soeroeh bikin patroeli dari Lamboeroe, liwat Tjot-Rang ka benteng Pajau. Benteng ini baroe di bikin.
Sama patrocli ini ada ikoet satoe toewan pettor, Tempo itoe bagitoe bijasanja.
Baroe lontjeng di djaga itoe boenji djam poekoel ampat, lantas di boeka pintoe benteng dengan ati-ati, dan patroeli itoe keloewar.
Sebelonnja djalan, toewan kaptin Bode tanja pada toewan pettor itoe apa nanti boleh ketemoe brandral. Katanja toewan pettor itoe: tida, barangkali ada tiga ampat orang; brandal jang banjak ada di seblah goenoeng-goenoeng.
Bagini tanda djalan patroeli itoe: satoe sectie di moeka, di kommandeer oleh satoe littenan satoe, namanja littenan Roijen; satoe sectie di belakang, di kommandeer oleh satoe littenan doewa, namanja littenan van Swietenz; jang lajin itoe djalan di tengah-tengah, di kommandeer oleh toewan kaptin Bode. Di moeka, di tengah dan di belakang ada satoe selompret, dan lagi dengan patroeli itoe di bawa tandoe-tandoe. Di antara satoe-satoe bagian ada tiga poeloeh-ampat poeloeh pas kira-kiranja. Sampej di kampoeng Goeni di ikoeti djalan besar; lantas di ikoeti djalan ketjil, jang ada disebelah lor dari kampong ini, dan lagi teroes ka kampong-kampong dan sawah-sawah. Di sawah-sawah itoe soesah sekali djalan; tetapi lebeh soesah lagi dikampong-kampong itoe; boleh dapat tjelaka. Djalan itoe ketjil sekali; kiri-kanan seperti goonoeng; dan lagi banjak remboe-remboe, di toetoepi pagar. Djadi bagitoe patroeli itoe tjoema boleh djalan satoe persatoe, mendjadi soesah sekarang.
Tempo soedah djalan bagini roepa kira-kira doewa djam, lantas keloewar di djalan besar dari Toenkoep ka Pajau, ada lima ratoes pas di sebelah lor pasarnja Tjot-Kang.
Sekarang ini soedah djadi poekoel anam. Tempo djalan tida ketemoe apa-apa. Melajinkan tempo setengah anam kelihatan doewa orang jang lari dari sawah ka satoe kampong. Sama sekali dari djahoe kedengeran pasang satoe kali, tetapi tida njaring.
Melajinkan heran sekali, di kampong-kampong itoe tida kelihatan api, dan tida satoe orang di lihat. Roepanja seperti orang kampong itoe soedah lari semoewanja, dan lagi tida ada apa-apa jang kita boleh kira, jang kebetoelan di sini ada moesoh beradang.
Tempo di djalan besar itoe kolono soedah rapat lagi kommandannja soeroh teroes djalan sampej di Tjot Rang. Di pasarnja kampong ini kolono itoe berhenti. Lantas toewan pettor itoe minta pada toewan kaptin Bode, apa dija boleh periksa itoe roemah-roemah; barangkali boleh tangkep brandral.
Soedah bagitoe, lantas itoe patroeli madjoe lagi akan masoek di kampong itoe. Dari apa djalan ka kampong itoe ketjil sekali, djadi misti djalan lagi satoe-satoe.
Setengah toedjoe bagitoe, dari sebelah Pajau di dengar pasang. Barangkali satoe patroeli dari benteng itoe soedah ketemoe dengan moesoeh. Djadi sekarang patroeli kita ini, djalan ka sebelah sana, dengan pas tjepat; tetapi baroe voorhoede itoe ada madjoe seratoes pas, lantas di pasang oleh moesoeh dari sebelah kanan. Voorhoede ini madjoe pelahan-pelahan dengan pasang, akan tjari tempat bajik. Soldadoe-soldadoe lajin membikin front ka kanan dan ka kiri.
Voorhoede itoe sasoedahnja dapat tempat bajik, moelai pasang.
Kita ini di pasang dari satoe mesigit, jang ada di dalem kampong, kira-kira doewa ratoes pas dari kolono. Djadi toewan kommandan itoe maoe ambil itoe mesigit. Tetapi dari tempatnja kolono soesah di ambil mesigit itoe; djadi orang belok akan tjari tempat jang lebeh gampang, dan lagi akan tjari tempatnja keloewar dari kampong itoe. Baroe kolono itoe moelai djalan, lantas toewan pettor itoe datang kasih kabar orang jang oendjoek djalan itoe, soedah mati kena pelor. Tida satoe orang sekarang tahoe djalan; djadi soesah sekali. Bagimana sekarang kolono itoe maoe djalan. Kita ini tahoe di sebelah mana ada benteng Pajau, tetapi sampej di sitoe ada satoe djam setengah.
Sampej sekarang ini roepanja seperti di mesigit itoe sadja ada moesoh; djadi bagitoe toewan kaptin Bode itoe maoe tjoba belok.
Baroe voorhoede itoe moendoer akan bekoempoel, lantas kolono itoe, jang masi bediri satoe gelid, di toebroek kiri kanan, dan di pasang dari dekat sekali. Djadi bagitoe kita ini soedah di kepoeng moesoh, dan moesoh ini ada sepoeloeh kali lebeh banjak dari kita orang.
Dari apa kita orang gampang boleh di toebroek dengan klewang, dan kita orang tida bisa bikin apa-apa sebab tida bajik itoe tempat, lantas di soeroeh moendoer dengan pasang moesoh. Bajiknja kita dapat satoe sawah ketjil, dan di belakang sawah itoe tida bagitoe banjak pohon-pohon. Lebarnja sawah ini ada anam ratoes pas dan lagi ada ajer di sitoe, sampej soldadoe-soldadoe masok sampej adanja. Tempo moendoer bagini roepa satoe sersan blanda mati kena pelor peroetnja. Moesoh itoe mankin lama mankin banjak pasang; tentoe dija dapat pertoeloengan.
Orang Atjee itoe, jang soedah toebroek patroeli dari Pajau, tetapi kala, datang kamari toeloeng teman-temannja di sini. Ini kita dapat tahoe di belakang.
Di sawah ini kita tida bisa tahan lagi. Kiri kanan dari kolono itoe berdjalan beratoes-ratoes orang Atjee, maoe kepoeng kita orang.
Dari sawah ini kelihatan pasarnja Kampong Tjot-Rang. Di pasar ini belom ada moesoh.
Bajik kita sampej di pasar itoe, lantas di belakangnja kita berhenti. Soldadoe-soldadoe itoe tjapej sekali, dan soesah sekali akan membawa orang-orang loeka dan mati. Di sini sekarang toewan kommandan maoe berhenti sebentar, kiranja itoe pasang-pasang barangkali kedengeran di pos-pos; djadi barangkali nanti dapat pertoeloengan.
Tetapi sekarang tjelaka lebeh besar lagi, dari apa moesoh itoe moelai pasang dengan lila. Ada tempat-tempat jang dija soedah rapat sampej ampat poeloeh pas; tetapi dija tinggal semboeni badannja. Kita orang ini tida bisa pasang banjak, dari apa pelor sedikit, dan lagi barangkali perang ini masi lama.
Mankin lama mankin banjak soldadoe-soldadoe mati dan kena loeka, sering kali toewan kaptin Bode soeroh tijoep selompret akan minta toeloeng, kiranja bataljon 15, jang ada di Toenkoep, barangkali dengar selompret itoe.
Soekoer sekali kolono itoe, jang tida ada satoe opsier mati atawa kena loeka. Toewan kaptin Bode itoe roepanja betoewah (tida bisa kena pelor). Djasnja dan topinja sadja banjak sekali lobangan pelor.
Dari apa tida datang pertoeloengan dari Toenkoep, toewan kaptin Bode itoe maoe moendoer sampej benteng itoe.
Tjoema ka Toenkoep sadja kita boleh balik; tetapi di pinggir djalan itoe penoeh moesoh, maoe tahan pada kita orang.
Tempo bagini roepa, soldadoe-soldadoe moelai ketjil hati. Orang-orang djawa itoe minta toeloeng pada kaptinnja dan ada jang bediri di sebelah kaptin itoe kiranja nanti tida kena pelor. Tetapi kena djoega; dan pakejan kaptin itoe sampej mejrah dari daranja orang mati itoe.
Sekarang ini soedah poekoel delapan; djadi soedah doewa djam lamanja patroeli itoe soedah perang. Maoenja toewan kaptin pegi ka djalan besar. Orang-orang loeka di koempoel. Tjoema ada tiga poeloeh orang jang masi bisa pegang senapan. Orang mati itoe tida bisa di bawa; kaloe di bawa tida sampej orang; djadi di tinggali sadja. Betoel kasian; dari apa moesoh itoe bijasa bikin roesak orang mati. — Senapan-senapan dari orang orang mati dan jang memikoel orang-orang loeka di bagi. Satoe-satoe opsier bawa sampej doewa senapan. Bagini roepa kita moendoer. Pekerdjaännja dan ketanggoengannja toewan kaptin ini sekarang djadi soesah sekali.
Orang mati dan orang loeka ada doewa poeloeh toedjoe orang; djadi sepertiganja patroeli itoe; dan sepertiga lagi pikoel orang loeka. Moesoh itoe lama-lama bagitoe rapat, sampej patroeli itoe misti bikin front ka kanan, ka kiri, ka moeka dan kabelakang. Orang loeka itoe tinggal di tengah -tengahnja.
Moesoh itoe tida brani toebroek dengan klewang; tjoema achterhoede itoe, tempo keloewar dari pasar, di toebroek; sampej mati doewa orang. Tjoba toewan kaptin Bode tida dapat lihat itoe, tentoe kommandannja achterhoede itoe, toewan littenan van Swieten, soedah di boenoh djoega.
Toewan littenan van Swieten ini, tempo liwat di sawah tadi, soedah djatoh dalam satoe soemoer, sampej sakit sekali badannja. Dengan banjak soesah dija mengikoet kolono itoe, tetapi sampej habis perang dija tida ketjil hati. Di djalan besar itoe kita masi di boeroe oleh moesoh. Ada orang moesoh itoe jang tinggal di belakang, kerdja roesak badan-badannja orang-orang mati, tetapi bajiknja banjak orang Atjee ini mati, tempo kita pasang dija.
Lagi satoe kali toewan kaptin Bode soeroh tijoep selompret akan kasih tahoe jang kita masi minta toeloeng. Di pinggir kampong-kampong, di sebelah djalan besar itoe, ada berbrapa moesoh; dan lagi ada jang boeroe kita orang.
Kita orang ini soedah dapat kabar jang ada satoe orang didong, jang dahoeloe soedah minggat, toeloeng orang Atjee itoe.
Tempo kita orang moendoer, ada banjak soesah lagi. Semoewa djembatan-djembatan ka Toenkoep soedah di bakar oleh moesoh; tinggal balok-balok angoes sadja, dan liwat balok-balok ini orang-orang jang soedah kena loeka misti di bawa ka- sebrang, tempo moesoh pasang sadja.
Lama-lama kita orang sampej di soewatoe sawah besar, di sebelahnja Toenkoep. Di sini moesoh berhenti boeroe, sebab dija takoet nanti di kepoeng oleh soldadoe-soldadoenja benteng Toenkoep.
Sajang sekali kita tida dapat pertoeloengan dari benteng ini. Barangkali selompretnja patroeli itoe tida di dengar. Bajiknja moesoh sekarang tida boeroe lagi, sebab soldadoe-soldadoe semoewa soedah tjapej sekali. Soldadoe-soldadoe jang pikoel orang loeka itoe, ampir tida bisa djalan lagi.
Di sini sekarang patroeli itoe berhenti sebentar. Bajiknja ada ajer minoem.
Soldadoe-soldadoe itoe, sampej orang-orang jang loeka keras sekali, membilang banjak trima kasih pada toewan kaptin Bode dan littenan-littenan. Tjoba pikir; tjoema dengan 25 orang dija soedah tahan itoe moesoh ada 300 orang, dan lagi moesoh itoe poenja tempat bajik sekali.
Sasoedahnja berhenti sedikit, kita orang berangkat lagi. Djam poekoel sepoeloeh koerang seperapat kita sampej di benteng Toenkoep.
Djadi patroeli itoe soedah bekelahi ada tiga djam setengah.
Temponja sampej di Toenkoep kita ketemoe satoe kolono, ada doewa ratoes orang, jang maoe pegi ka Tjot-Rang.
Kolono ini dapat perentah tjari orang-orang mati dan bawa kombali ka benteng.
Orang-orang loeka dari patroeli itoe di tinggali di Toenkoep di roemah sakit. Soldadoe-soldadoe jang lajin trima pelor, dan lagi, sasoedahnja berhenti sampej setengah doewa belas, dija berangkat ka Kota-Radja. Di sini patroeli itoe berhenti lagi dan dapat makan. Poekoel anam malam patroeli ini soedah koembali lagi di Lambaroe, dan di sini dija di terima dengan soerak-soerak.
Kaptin Bode itoe, di mana di dapat lihat, disoeraki sadja.
Sedikit hari di belakang dija di obati toewan doktor, sebab kapalanja tempo perang itoe kena loeka. Tempo perang dija tida maoe bilang itoe pada soldadoe-soldadoenja. Tahon 1886 toewan kaptin Bode terima bintang tandjong.
PERANG DI SOERIAN.
26 Juli 1874.
Kampong Soerian itoe ada di sebelah kidoel dari djalan besar dari Oleh-leh ka Kota-Radja.
Moesin oedjan, kaloe ada ajer besar di kali Atjee, djalan itoe di pakej oleh transport-transport. Selamanja transport-transport ini kaloe djalan, di pasang moesoh. Djadi bagitoe toewan djendral Pel maoe oesir moesoh dari kampong Soerian, lantas bikin benteng di sitoe.