17
055. (15) Pangrasana ngan sakitu, pikima teu deui, eta mah da elmu kitab, lain bawaeun ka ahir, eta kitab malaikat, lain kitab Maha Suci.
056. (16) Ari kitab ing Yang Agung, tulis manusa sayakti, eta kitab anu nyata , eta bawaeun ka ahir, mun kitu gagal kacida, teu nyaho katulis diri.
057 . (17) Wiwitan aksara sepuh , mimiti aksara alip, alamna ge ahadiat, tacan aya bumi langit, tapi alip anggeus nyata, eta nu nyata mimiti.
058. (18) Lamun dipees jadi bu, mun jeer jadi bi, mun jabar meureun jadi ba, jadi bakal bwni langit, dijeer jadi sadia, aya bitis aya biwir.
059. (19) Lahir batin eta kitu, upamana be jeung alip, ·diduakeun moal beunang, saperti lahir jeung batin, kitu deui dat jeung sipat, teu beunang dipisah deui.
060. (20) Nabi Muhammad jeung Rasul, aya beurang aya peuting, aya Allah jeung Pangeran, aya nyawa aya jisim, aya roh aya jasadna, nyatana mah ngan sahiji.
061. (21) Upama damar hurung, caangna jadi sahiji, kumaha peta papisah, eta lahir reujeung batin, upama lisan jeung sora, upama kaula gusti.
062. (22) Lamun loba nu diaku, jadi ngarancabang teung, nya kudu arah satunggal, tunggalna jadi sahiji, kitu tekad nu utama, gula amisna hiji.
IV. DANGDANGGULA ( 21 pada )
063. (01) Saenyana nu jeneng pribadi, anu dua-dua ning sarua, ngan dat reujeung sipat oge, ari nyatana teu jauh, nya Muhammad Allah sajati, hanteu aya anu lian, duanana kitu, nya Muhammad nya Pangeran, sayak
