239
Si Djoen! tempo doeloe saija poenja soewami dapet tjilaka terkoeroeng di boei, banjak trima kasi toean poenja pertoeloengan oewang, sampe kita poenja soewami bebas dari hoekoeman, itoe kebaikan dan pertoeloengan saija tida brani akan alpakan, sebab saija tida bisa membales itoe kebaikan, maka saija teeken toean poenja gambar, boeat pagi dan soré akan kita sembahjangin, sekarang kita dengan toean dapet tjilaka, tida orang bisa toeloeng, melainkan kita harep moedah-moedahan Toean Seroe sekalian Alam, akan membri pertoeloengan, soepaja toean bisa bebas dan keloewar dari dalem boei, baroelah senang kita poenja hati.
Itoe Koen Thaij satelah sembahjang lantas dia mendjatokan aer matanja.
Goei Liat serenta dengar mamanja poenja perkataan itoe lantas dia deketin dan angkat akan berdiri-in mamanja, sembari kata: O! mama djangan menjesel hati, sebab itoe Lioe Si Djoen soeda dapet lepas dan jang ganti dia, saija poenja soedara tetapi itoe perkara kita rasa nanti vrij djoega.
Koen Thaij serenta dapet dengar dia poenja anak angkat poenja perkataan lantas dia amat
