240
girang aer moekanja, lantas dia soeroe Goei Liat pergi di Tjian Tong Koan akan tjari Lioe Si Djoen dengan bawa barang-barang dan oewang perak 50 tahil.
Sasoedahnja sampe di Tjian Tong Koan dan datang di roemanja Thaij Thaij (mamanja Lioe Si Djoen) dan bersama doedoek, sasoedahnja itoe Goei Liat lantas keloewarkan oewang 50 tahil perak dan berkata jang dia poenja mama angkat akan membilang banjak trima kasi jang tempo doeloe selagi anaknja bernama nona Tjiauw Jong djoewal badan akan taboes papanja, soedah dapet pertoeloengan pada Lioe Si Djoen, maka dari itoe mama angkat saija, soeroe saija datang di sini akan mengoendjoekan banjak trima kasi dan membilang itoe kebaikan nanti tertoelis dan teroekir di dalem hati adanja.
Kemoedian Goei Liat menanja pada Lioe Thaij Thaij, itoe engko Lioe Si Djoen ada di mana.
Lioe Thaij-Thaij menjahoet : Saija poenja anak sampe sekarang belon poelang di roema dan saija dapet kabar, saija poenja anak sekarang dapet tjilaka, soenggoeh soesah saija poenja hati, sebab saija soedah ada oemoer.
Sasoedanja itoe Goei Liat minta permisi akan
