238
pikir jang dia tida ada anak lelaki boeat menjamboeng toeroenan orang Seh Ma, sebab dia melainkan ada 1 anak prampoean bernama nona Tiauw Jong, jang soeda terambil bini pada Thaij Tjoe (Pangeran Adipati Anom).
Itoe Koen Thaij ada beringin ambil anak pada Goei Liat, boeat menjamboeng itoe toeroenan, maka dia datang di roemanja Goei Lo IJa.
Dengan segala soeka hati Goei Lo IJa serta bininja membilang baik dan lantas tjari hari jang baik.
Serenta sampe pada itoe hari sekalian ambtenaar dari Civiel dan Militair pada berhadlir akan membri slamat dan Koen Thaij djoega bikin festa dengan pake bebrapa keramean, Goei Lo IJa anter anaknja ia itoe Kong Tjoe Goei Liat, boeat kasi-in pada Koen Thaij akan djadi-in anak angkat.
Bebrapa girang Roen Thaij poenja hati dan sekalian ambtenaar itoe minoem dan soeka-soeka hati sampe hari petang baroelah boebaran adanja.
Itoe Goei Liat tinggal di roemanja Koen Thaij, pada soewatoe hari Goei Liat masoek di dalem roema kebetoelan Koen Thaij tangannja angkat 3 hio (doepa) menghadep di hadepan soewatoe gambar dengan berloetoet begitoe hormat dan soenggoe-soenggoe hati dan berkata: Toean Lioe
