— 1185 —
Boeat laen-laen laporan tiada bikin Baginda begitoe mara seperti dengen itoe kabar tentang kariboetan di Djin Ho Koan.
„Djikaloe sebagi satoe pembesar negri Jam Tek berlakoe sebagimana pantes, biar poen ia tiada bisa berlakoe seperti laen-laen pembesar jang menjinta rahajat sebagi anaknja sendiri, kami rasa tiada nanti terdjadi ini katjilaka'an," kata Baginda. „Tapi ia tiada bisa berboeat begitoe. Toeroet kabar jang kami paling boleh pertjaja, ia bekerdja meloeloe boeat goena diri dan penoeken sakoenja; ia goenaken kekwasa'an lebi dari wates, peres rahajat negri dan laen-laen perboeatan boeroek. Bagi ia poenja kabinasa'an saroema tangga ini ada pembalesan jang panggil baek dan tiada membikin kami dapet rasa menjesel, tjoema jang membikin kami tiada abis mengarti, kenapa sedeng di perlakoeken begitoe roepa itoe rahajat negri tiada madjoeken laporan apa-apa pada pamerenta agoeng. Djika siang-siang kami trima laporan nistjaja kami boleh lantas bri tegoran keras atawa lepas padanja, hingga tiada membikin itoe katjilaka'an besar."
Hamba rasa itoe semoea hal terbit dari pengasoetannja pendjahat di goenoeng Yauw Taij, kata Lu Kok Tjaij, rahajat negri biarpoen begimana tiada nanti bisa sampeken maksoednja begitoe gampang, apalagi rahajat di sana ada ter-
