— 1667 —
poeng Kie Lin Tjoan, sebab kaloe itoe semoea tiada dibikin betoel kombali seperti jang doeloe, nistjaja satoe tempo bisa mendatengken bahaja jang lebi besar dari apa jang soeda terdjadi.
Ko Kong taro perhatian dengen itoe semoea, kerna ia lantas kaloearken oewang, seraken itoe pada satoe orang jang boleh dipertjaja aken bikin beres itoe pakerdja'an,
Djoega pada gredja Lu Tjouw, itoe orang bangsawan prenta bikin besar dari jang soeda; Hweshio-Hweshio ditamba lagi bebrapa orang, soepaja keada'an dalem itoe roema soetji dapet rawatan jang lebi baek.
Sasoedanja slese mengatoer apa jang perloe diberesken, Ko Kong sigra boeka satoe pesta besar, di mana telah dikoendjoengken oleh sekalian pendoedoek negri di itoe tempat.
Tiada selang lama dari itoe, pada satoe hari Ko Kong trima oetoesannja Sri Baginda Keizer, jang mana ada membawa satoe soerat poedjian. Ko Kong laloe pasang medja Hio to, dan dengen berloetoet ia mendengeri itoe oetoesan terseboet batja itoe soerat. Beginilah boenjinja:
„Kami, Keizer Sin Tjong, mempersembaken ini soerat poedjian pada Tiong Jong Tin Kok Ong Ko Teng Tjan jang terhormat.
Atas namanja kami poenja sekalian laloehoer dengen itoe kami menjataken trima kasi atas Keng ampoenja kasetia'an dalem pakerdja'an negri. Prihal-prihal jang terdjadi oeroesan dan perboeatan jang koerang baek atas Keng poenja diri, jang itoe semoea terbit dari pertena'annja mantri-mantri dorna,
