— 1666 —
Begitoe itoe roema soeda djadi slese, Ko Kong dan sekalian familienja lantas brangkat poelang ka kota Gie Jang, di waktoe mana Baginda sendiri toeroet menganter sampe di loear kota.
Tiada oesa di bilang lagi bagimana besar kagirangannja pendoedoek kota terseboet liat Ko Kong dan sekalian familienja soeda berkoempoel lagi seperti doeloe,
Sebagi mana pembatja taoe, itoe orang bangsawan ada sanget baek dan bisa menaro kasian pada pendoedoek negri jang miskin, maka berhoeboeng dengen adanja kombali ia di itoe kota, inilah ada menimboelken pengharepan bagoes bagi orang-orang jang tingkatan renda.
Sian Wan Gwe, dan laen-laen orang telah mengikoet sampe di kota Gie Jang, jang mana sasoedanja tinggal sedikit lama marika itoe lantas poelang ka roemanja sendiri.
Djoega Thio Ho,Ong Peng, Lie Tjeng, Thio Taij, bebrapa boedjang lelaki dan prempoean jang doeloe, pada itoe waktoe beroentoen roentoen telah dateng di gedong Tin Kok Hoe di trima bekerdja lagi oleh itoe orang bangsawan.
Liwat bebrapa hari kamodian, Tjo Keng bersama Ko Bong Loan dan laen-laen nona dateng di gedong Tin Kok Hoe. Berbareng dengen itoe djoega ditrima banjak tetamoe-tetamoe pendoedoek di kota Gie Jeng, jang dateng membri slamet pada itoe orang bangsawan.
Terlebi djaoe Ko Kong ada trima soerat-soeratnja pendoedoek negri, sama siapa itoe orang banjak menerangken dan minta Ko Kong soeka ambil taoe dengen itoe bendoengan kali di kam--
