Halaman ini tervalidasi
— 1668 —
- hingga kami sendiri djadi berada di dalem kagelapan, dengen ini kami matoerken ma'af dan tetepken, bahoea familie Ko tiada ada poenja tjatjat apa-apa jang terbilang djelek bagi oeroesan negri.
- Teroetama kami menjataken poedjian atas Keng poenja poetri, Ko Bong Loan, kerna itoe nona jang soeda memboeka kami poenja kagelapan dalem moesilatnja dorna-dorna.
- Kami harep, angkau poenja anak, mantoe dan sekalian familie sateroesnja nanti soeka membantoe pada negri dengen tjara-tjara seperti apa jang Keng sendiri soeda berboeat.
- Brikoet dengen ini kami ada melampirken satoe Paij dari batoe sebagi kami poenja poedjian jang tiada dapet dibikin linjap. Kami harep Keng nanti trima dengen baek adanja.
- Achirnja ini soerat adalah dengen kami ampoenja slamet.
Dari Kami:
(W. G.) Sin Tjong Hong Te.
Satelah firman itoe soeda dibatja, Ko Kong memanggoet tiga kali ka djoeroesan kota radja sembari berseroe: Ban Swe Ban Ban swe.
Itoe batoe Paij lantas ditrimaken, dalem mana ada teroekir bebrapa barisan toelisan dari leter mas, jang berarti: „Familie Ko toeroen menoeroen tiada ada tjatjatnja.“
Kamodian Ko Kong adjak itoe oetoesan Keizer doedoek berdjamoe, esok paginja baroe ia berpamitan poelang kombali ka kota radja.