— 1658 —
nja akoe moesti membri hormat dan oendjoek trima kasi pada Wan-gwe, kerna sabegitoe lama akoe telah menoempang tinggal dan dapet rawatan baek," saoet Taij Goan Kong.
Tapi Sian Wa-Gwe tiada maoe trima itoe kahormatan, malah iaenendiri tinggal berloetoet dan tiada maoe bangoes.
Di sini terbit satoe keloetjoean dari itoe Wan-gwe jang doesoen, beroentoeng Song In soeda beresken itoe kakoesoetan prihal bereboet membri hormat, tiada sampe membikin laen-laen tetamoe djadi tertawa.
Pada fihaknja tetamoe-tetamoe prempoean poen ada kedjadian begitoe djoega. Peng Si Dan Thio Si soeda djadi begitoe goegoep dan tiada taoe apa marika moesti berboeat, barang-barang hidangan selaloe tinggal oetoe, maski djoega Lee So Nio soeda beroelang-oelang minta tetamoenja soedi dahar apa jang ada.
Itoe njonja-njonja dari An Tien boekan dahar sebagimana ada diharep oleh njonja roema, adalah satoe sama laen meliatin periasan-periasan gedong jang inda.
Batoe-batoe djoebin semoea rata terbikin dari batoe Shia tjio jang berkembang; krosi-krosi dan medja dibikin dari kajoe-kajoe dan batoe jang aneh. Laen dari itoe adalah pemandangan-pemandangan di bagian tembok, jang semoeanja ada begitoe bagoes.
Peng Si dan Thio Si soeda djadi sanget iboek sama keada'an di sitoe. Terlebi lagi koetika penganten-penganten prempoean dateng menemenin
