— 1657 —
en baroe, inilah kita tiada oesa seboetken lagi.
Liwat setenga boelan dari apa jang telah ditjeritaken pada satoe hari Sian Wan-gwe dan jang laen laen telah sampe di kota radja.
Ko Kong samboet datengnja marika itoe dengen girang sekali, Song In dan Wie Hoedjin, laki istri, satoe persatoe dateng membri slamet.
Sian Wan-gwe kaliatan djadi goegoep, kerna saoemoer ia baroe perna mengindjek roema-roemanja orang bangsawan, dan ia tiada taoe begimana atoer-atoerannja orang agoeng.
Tapi Song In jang mengarti itoe semoea, telah bikin ringan bagi ia orang.
Djim Sioe Tji njataken sanget girang kerna ia dapetken istri dan anaknja ada di dalem keslametan.
Peng Si, Thio Si, ditemenin oleh So Nio dan mantoenja, samentara Sian Wan-gwe ditemenin oleh Ko Kong berserta poetra dan jang laen-laennja.
Djoestroe pada itoe hari kemanten-kemanten telah dateng mengoendjoengken ka gedongnja Ko Kong, hingga ditambanja marika itoe hal itoe djadi semingkin rame. Di fihaknja prempoean ada menamba bebrapa orang, sedeng di fihaknja lelaki poen begitoe djoega.
Taij Goan Kong Tjo Keng telah membri hormat pada Sian Wan gwe, tapi ia ini boeroe-boeroe menjega seraja berkata: Kaloe Goan Kong membri hormat padakoe atoeran oemoem djadi terbalik, kerna sabenernja akoe lebi doeloe haroes membri hormat."
„Kaloe menoeroet atoeran oemoem, saharoes-
