— 1656 —
Kou Han Lim, Taij Goan Kong Tjo Keng dan Wan Keng Houw Song In, itoe tiga kemanten lelaki, dengen repot sekali trima koendjoengannja sekalian tetamoe jang dateng membri slamet, samentara di fihaknja penganten prempoean poen begitoe djoega.
Waktoe di bikin persembajangan pada toean Allah, koetika bersembajang pada aboe laloehoer, roewangan gedong Tin Kok Hoe soeda djadi penoe dengen itoe kemanten lelaki dan prempoean.
Semoea orang ada toedjoeken matanja pada Ko Siotjia kerna di antara itoe gadis-gadis, tjoema ia sadja jang kliatan paling boto dan manarik hati.
Soenggoe broentoeng bagi Kou Kongtjoe.
Tapi Joe Siotjia, Keng Hoa Wie Siotjia dan Lu Siotjia poen tiada haroes di seboet djelek atawa di boeat tjelahan, kerna marika itoe haroes dapet poedjian.
Kamodian baroe itoe sekalian boeroeng merpati sepasang dengen sepasang membri hormat pada sekalian mertoea dan orang toeanja.
Ampir kita loepa seboetken, bahoea antara tetamoe-tetamoe jang mengoendjoengken itoe pesta, djoega teritoeng dengen oetoesannja Baginda Keizer, berikoet djoega dengen barang persenannja pada itoe sekalian penganten.
Achirnja itoe pernika'an, jalah Kou Kongtjoe bersama 3 istrinja, Ko Siotjia, Joe Siotjia dan Lu Siotjia poelang ka gedongnja sendiri, sedeng Tjo Keng bersama Keng Hoa djoega poelang ka gedong Taij Goan Kong, samentara Song In dan Wie Siotjia tinggal tetep dalem gedong Tin Kok Hoe.
Bagimana beroentoeng bagi sekalian pengan-Templat:Xo Teng Tjan
