— 1526 —
kaboet, hatoerken pertoeloengan-pertoeloengan jang perloe soepaja itoe radja dan permisoerinja bisa sedar kombali.
Bebrapa panglima riboet atoer barisannja di sana sini, kerna marika slempang moesoe goena- ken itoe waktoe dateng bikin penjerangan ka itoe tempat.
Pelahan-pelahan Pak An Ong dan Ang Hong Houw sedar dari pangsannja, itoe doea orang kliatan djadi begitoe lemes, hingga boeat doedoek di krosi orang moesti pegang di kiri dan kanan. Doea-doea lantas menangis.
„Sasoenggoenja kami tiada abis mengarti, kenapa Taij Tjoe soeda berlakoe begitoe teledor sampe kena tertawan oleh moesoe," kata Pak An Ong,,djoega akoe tiada abis pikir, begimana laen-laen panglima djoega tiada ada satoe jang mendoesin, dirinja soeda kena di tipoe begitoe matjem......"
„Taij Tjoe mamang tjoema gaga sadja, tapi tiada poenja daja oepaja atawa mengarti djalannja tipoe-tipoe aloes dalem peprangan," kata bebrapa panglima, tapi sekarang tiada perioe di bitjaraken hal jang soeda tertangkep, toeloeng pada marika itoe inilah ada oeroesan jang sanget penting."
Pak An Ong sigra menanja, tipoe begimana ia orang haroes berboeat soepaja itoe orang-orang
