— 1525 —
djoeken lagi ada berisi Bom, maka koetika di bakar telah menerbitken banjak karoesakan besar bagi tentara jang mengepoeng kota Gan Boen Koan.
„Liat, apa hamba kata!" kata Ang Hong Houw dengen sanget kaget. Baginda hinaken panglima moesoe begitoe moeda, tapi tiada doega orang itoe ada mempoenjai kepandean jang tiada dapet di doega."
Pak An Ong mengela napas.
Sedeng itoe djoeroe kabar jang tadi belon berlaloe, laen orang dateng mengasi warta, bahoea tentaranja Prins dan sekalian panglima kena di koeroeng di boekit Siang Kho Nia. Brapa kali Prins tjoba menerdjang dengen nekat tapi pertjoema sadja, malahan tentaranja sebagian besar telah kena di binasaken. Keada'annja Prins dan jang laen-laen ada sanget berbahaja."
Satoe treakan keras kloear dari moeloetnja itoe radja asing. la lantas prenta sekalian panglimanja bikin persiapan aken menoeloeng, tapi sabelon barisan di atoer beres, laen djoeroe kabar mengasi taoe, bahoea Prins telah kena tertawan.
Mendenger itoe warta jang paling blakang, Pak An Ong dan permisoeri Ang djadi sanget terkedjoet, doea-doea lantas djato pangsan di sitoe djoega.
Di sa'at itoe dalem pasanggrahan djadi kalang
