— 1524 —
Baginda djangan sala mengarti," kata Ang Hong Houw, „kebanjakan orang peprangan sekarang ada terdiri dari pamoeda-pamoeda dari pada orang- orang toea. Djoestroe panglima panglima moedi ada mempoenjai lebi banjak kepandean jang mengheranken: djoega orang bisa mengarti, bila tiada ada poenja ka bisa'an, tentoelah orang tiada nanti begitoe edan maoe pegang itoe pangkat besar, kaloe perloenja tjoema maoe memboeang djiwa sadja!"
„Biar begimana djoega kami tiada maoe mengarti kaloe orang jang baroe beroesia doea poeloe taon di pakerdjaken dalem angkatan prang besar dan dateng kamari!" kata Pak An Ong dengen perkataẵn menghina. „Akoe poenja doegaän tjoema satoe-satoenja, ja-itoe moesoe ada kakoerangan panglima prang!
Besoknja kombali laen djoeroe kabar dateng membri lapor, dan warta ini kliatan ada senget djelek boeat fihaknja. Itoe orang kasi taoe, bahoea tentara negri soeda bisa menjerang dengen berasil, barisannja Prins kena terkoeroeng
„Begimana bisa djadi begitoe!" kata Pak An Ong dengen sanget kaget,
„Moesoe telah goenaken gerobak-gerobak prang," kata itoe djoeroe kabar. „Bermoela gerobak itoe kosong lantas di bakar, tapi kamoedian dengen tiada di dóega gerobak-gerobak laen, jang dima-
