— 1408 —
talah tiada sala. Toeroet akoe poenja pikiran, dengen ini satoe soerat sadja tjoekoeplah aken tjoetji bresi kau poenja nama dan kahormatan jang soeda dibikin roesak oleh itoe dorna doerhaka, tapi boeat bantoe soepaja kau poenja ka- doedoekan djadi lebi tegoe, akoe nanti berikoetken djoega akoe poenja soerat, jang mana kau boleh seraken sekalian di tangannja Baginda."
„Trima kasi Tjianswe ampoenja bantoean itoe," saoet Ko Kong sembari memanggoet.
„Djoega sekarang tiada oesa toenggoe panggilannja Sri Baginda radja. Kau boleh brangkat poelang bersama-sama Tjo Goanswe, tjepet kasiken itoe soerat, soepaja Baginda lantas bisa mengasi poetoesan dan djatoeken hoekoeman pada itoe dorna jang terkoetoek."
„Dengen berlakoe begitoe tiadakah Baginda nanti persalaken padakoe?" menanja Ko Kong jang menjataken, poetoesannja itoe pembesar ada terlaloe lantjang.
„Tiada, Kaloe sean de Baginda goesar atawa begimana, itoe semoea akoe jang tanggoeng. Dalem soeratkoe djoega nanti di toelis, serta akoe nanti terangken doedoeknja itoe perkara."
Kombali itoe orang bangsawan mengoetjap trima kasi.
Song In lantas madjoe membri hormat, ia oetjapken banjak perkata'an di hadepan Kioe Tjianswe,
