— 1407 —
djadi kaget sekali. la pandang moekanja itoe
orang bangsawan, dengen roepa sebagi orang
jang menjataken sanget menjeselnja.
„Sedeng taoe diri sendiri soeda difitena. oleh itoe moesoe-moesoe doerhaka, kenapa sebagitoe lama kau tinggal diam sadja, belon perna bertjerita apa-apa maski sedikit djoega padakoe?" kata Kioe Tjianswe. Akoe sekali poen tiada ada poenja kekwasa'an begitoe besar, tapi rasanja masi bisa madjoeken swara swara jang berasil di hadepan Baginda radja. Sasoenggoenja akoe sanget menjesel jang dalem hal ini sabegitoe lama kau tinggal boengkem."
Ko Kong boeroe-boeroe berbangkit dari tempat doedoeknja. la kata: „Dalem segala perkara akoe tjoema menoeroet sadja tachdirnja Toehan jang Maha moelia, djikaloe boekan maoenja Allah, jang memang akoe ada mengandoeng itoe bahaja dalem pengidoepan, soeda tentoe tiada nanti kedjadian begini roepa."
Lebi djaoe itoe orang bangsawan lantas kaloearken soeratnja Bong Loan pada Kioe Tjian- swe, jang sasoedanja dibatja kaliatan djadi semingkin girang.
„Pertama kau sampe di sini, akoe poen sama sekali tiada ada menaro doega'an kaloe kau dihoekoem lantaran hendak berhianat pada negri," kata itoe pembesar, „sekarang doega'an itoe nja-
