— 1409 —
perkata'an mana ampir saroepa sadja sebagimana jang ajahnja telah berboeat.
Koetika pesta itoe sampe di achirnja, Tjo Goan- swe lantas poelang ka pasanggrahannja di loear kota, sedeng Ko Kong, Song In, The Koen dan Sioe Tji djoega poelang ka tempat tinggalnja.
Tiada lama marika itoe sampe di tempat tinggalnja Ko Kong, di mana kedatengannja telah di samboet oleh Nio Si dengen roepa jang heran. la ini meliatin pada Song In dan Sioe Tji, tapi ia tiada kenalin siapa adanja itoe 2 orang baroe.
Sampe marika itoe berdoedoek, ini njonja masi tinggal meliatin seperti tadi.
„Kenapa kau liatin orang sampe begitoe, istrikoe?" menanja The Koen, sedeng Ko Kong koetika ini Tjongkoan menanja begitoe lantas tertawa. „Kau poenja lakoe jang begitoe doesoen, boleh bikin ini doea tetamoe djadi maloe."
„Ah, boekan begitoe," saoet Nio Si,,,akoe meliatin sebab pada ini doea Siangkong akoe baroe kenal. Tapi siapatah ini, orang dari mana?" Koetika Nio Si oetjapken itoe perkata'an, Sioe Tji dan Song In dengen berbareng memandang moekanja itoe njorja.
„Kaloe tiada sala orang ini Nio Naij-Naij boekan?" menanja Sioe Tji pada The Koen.
„Betoel," saoet jang di tanja.
Nio Si djadi semingkin heran, tempo ia dapet kenjata'an tetamoe itoe kenal padanja.
