— 1122 —
swara poetoes-poetoes:„baroe tinggal di sini brapa hari sadja orang maoe dibikin seperti boedak, begimana nanti?.... tentoe dibikin seperti akoe djoeal kapala!......."
Tjhia Si dari loear dateng memboeroe dan peloek pada Dji Hoa, hingga ia ini menangisnja djadi semingkin sedi.
„Kenapa nona? kau kenapa?" ia menanja.
„Djangan tanja lagi, hajo tjepet tjari kandaran boeat akoe poelang ka roema!" kata Dji Hoa jang menangis teroes: „Akoe moesti tjepet polang dari sini, kaloe tiada akoe boleh djadi mati!"
„Mati! kenapa boleh djadi mati? Bilanglah, akoe apain pada kau?" menanja Soen Nio dengen merasa terharoe.
Sedeng ini njonja menanja begitoe, adalah Tjhia Si telah pimpin tangannja Dji Hoa diadjak kaloear dari itoe roewangan. Tiada lama boedjang jang di prenta tjari kandaran soeda datang, sasoeda moeat barang-barangnja, itoe orang-orang jang koerang adjar brangkat djalan dengen tiada pamitan lagi.
Tempo terdjadi itoe perkara, semoea boedjang dalem gedong Tin Kok Hoe tiada ada satoe jang berkata apa-apa. Hong Dji dan Djimpo berdoea saling maen liat-liatan sadja, sedeng Soen Nio masi tinggal berdiam di tempat tadi. Ini
