— 1121 —
Dengen tiada singkat-singkat Bauw Si telah bongkar omongannja Djimpo koetika ia ini dateng melamar, sampe ini prempoean toea tiada sanggoep menangkis dan laloe berdjalan kaloear dari itoe roewangan.
Tapi Soen Nio kaliatan djadi semingkin koerang senang dan sigra menegor dengen tiada kala aserannja: „He, koerang adjar! Akoe tiada kira-kau sampe begitoe tiada taoe adat? Begimana kau ambil arti dengen akoe poenja omong jang baroesan, maka kau berbalik djadi begini? Sebagi tjoetjoe mantoe akoe toch memang pantes kasi nasehat padamoe; tapi njata kau ini berkapala batoe dan tiada makan adjaran!"
„Siapa jang kau bilang mantoe dan mana jang akoe. moesti pandang mertoea?" saoet Bauw Si jang oendjoek koerang adjarnja sampe pada tempat jang paling tinggi. Lakimoe she Ko, mertoeakoe jang sedjati Hok, tapi begimana kau maoe tjampoer laen orang poenja oeroesan?"
„Oh, oh..... prempoean gladak!" treak Soen Nio dengen sanget moerka dan laloe menista kalang kaboet, hingga Dji Hoa jang roepanja keabisan perkataän sigra banting dirinja di atas djoebin, bergoeling-goeling sembari menangis keras, sebagi kelakoeannja satoe anak jang aleman.
„Dari...... dari dibikin begini baek mati..... mati....... sadja!" Dji Hoa menangis dengen
