— 1347 —
berkoempoel di sana, maka dari itoe baeklah Koensoe tjepat-tjepat poelang, soepaja bisa berdami begimana aken menangkis sarangannja moesoe."
Mendenger begitoe Pa Koensoe tiada brani berlakoe ajal lagi. la lantas prenta rombak pasanggrahannja. Djoega, sebab kwatir panglima negri ada atoer tipoe-tipoe apa di tenga djalan jang bisa bikin dirinja dapet tjilaka, Pa Tauw tiada brani ambil djalan jang doeloe'an hanja potong djalanan ketjil, sekali poen perdjalanan itoe ada sedikit lebi djaoe dari djalanan jang biasa.
Oleh kerna Pa Koensoe poenja perdjalanan poelang di atoer begitoe, Lo Hong Beng djadi katjele! la menoenggoe di tempat semboeni sampe doea hari lamanja, tapi satelah liat moesoe belon djoega liwat, pada hari ka tiga di waktoe pagi, ini penggawa sigra berlaloe dan poelang ka panggrahannja.
Djoestroe Song In dan laen-laen panggawa soeda ada di pasanggrahan, marika itoe telah trima poedjian dan namanja soeda di masoekin ka dalem boekoe oleh Tjo Goanswe.
Tapi koetika liat Lo Hong Beng poelang tangan kosong Tjo Goanswe merasa heran dan sigra minta ketrangan, apa itoe ponggawa tiada dapet bertemoe pada moesoe.
Doea hari lamanja moesoe tiada kliatan liwat,” saoet jang di tanja, „sebab kwatir melanggar
