— 1346 —
besar, dengen pedangnja sendiri sigra gorok lehernja sampe djadi mati, samentara rahajatnja sebagian telah binasa dan sebagian lagi menaloek pada barisan negri.
Song In sigra berlaloe dari itoe tempat dan poelang ka pasanggrahannja.
Sebagimana di atas telah ditoelis, Siauw Go Liong Pa Tauw brangkat ka kota Tjiang Hoa Koan ada paling blakang dari jang laen-laen, maka tempo orang soeroean dari Yauw Taij sampe di itoe kota, ini Koensoe poen belon lama sampe, sedeng pasanggrahan djoega belon berdiri rampoeng.
Tentoe sadja itoe Koensoe djadi kalang kaboet koetika dapet trima itoe kabar djelek. Ia laloe minta di bri keterangan, begimana dengen ka ada'an moesoe jang menjerang ka goenoengnja.
,Moesoe jang dateng menjerang sanget besar djoemblanja, djoega orang jang mengapalken barisan ada sanget gaga," saoet jang di tanja, „dalem peprangan di itoe hari Hoei Tauw-bak soeda kena terboenoe mati, selaennja itoe banjak poela panglima laen soeda binasa di tangannja panglima negri.”
Sekarang di goenoeng ada siapa lagi?” menanja poela Pa Koensoe.
Tiada ada orang. Tapi boleh djadi laen-laen barisan jang di panggil poelang sekarang soeda
