— 1344 —
aken binasaken djiwa). Song In dapetken itoe saroepa ilmoe dari Tjo Boen Pa, jang sebagimana di atas pembatja telah liat, begimana itoe Goanswe soeda goenaken itoe saroepa ilmoe djoega aken mengambil djiwanja Hoei Liong.
Dengen menggoenaken itoe djalan gampang sekali mengambil djiwanja moesoe, asal sadja moesoe itoe boekan saorang jang tjerdik dan gampang kena di pantjing. Seperti kedjadian tas dirinja Te Poet Pa, haroes di bilang ia belon mengarti betoel begimana orang moesti djaga diri dalem peprangan. Teroetama orang jang beradat berangasan ada paling gampang kena didjebak dalem itoe tjara.
Sakean lama Song In ingin djadjal itoe ilmoe kepandean, maka koetika liat bener soeda mengasi liat asilnja jang bagoes, hatinja merasa sanget girang serta poedji kepandeannja Boen Pa.
Rahajat begal tempo liat Taij-Ongnja kena di binasaken djadi sanget ketakoetan, tapi bebrapa ponggawanja Te Poet Pa tjoba bikin taba hatinja marika itoe dengen mengantjem.
„Siapa jang lari nistjaja aken terboenoe!” kata ia sambil atjoengken sendjatanja ka atas, hingga itoe rahajat begal kepaksa menoeroet prenta.
Sedeng begitoe Song In laloe bri tanda pada tentaranja, jang sigra menjerang pada rahajat begal. Sedeng begitoe barisannja Ong Poei poen telah
