— 1343 —
poela: „Paling baek kau tjepet moendoer, dengen begitoe dirimoe tinggal slamet!”
„Akoe nanti moendoer, bila akoe poenja toembak soeda djadi koetoeng doea!” dengen itoe perkata'an ini Sianhong geprak koedanja madjoe ka depan, seraja menjerang dengen sendjatanja, sedeng Te Poet Pa sigra menangkis dengen goloknja.
Pertempoeran heibat lantas terdjadi.
Lima poeloe djoeroesan dengen tjepet telah berlaloe.
Koenjoeng-koenjoeng Sianhong kita melariken diri, sebagi djoega ia soeda tiada sanggoep aken bertempoer lebi lama lagi.
„Begimana menoesia sematjem angkau brani omong tinggi!” kata Te Poet Pa sambil tertawa, „Djangan lari, binatang, ka mana djoega tiada oeroeng akoe nanti kedjer!”
Seabis kata begitoe ia petjoet koedanja pergi mengedjer, tiba-tiba moesoe soeda deket, Sianhong moeda ini pinggirken koedanja, hingga Te Poet Pa liwat ka depan dan dengen begitoe, gampang sekali Song In lantas menggaet dan roeboeken moesoe dari atas koeda. Begitoe djoega ia teroesken itoe sendjata toesoek peroetnja Te Poet Pa hingga mati.
Inilah seroepa ilmoe toembak jang di seboet Tok Beng Sin Tjhio (ilmoe toembak melekat
