— 1342 —
kenjata'an barisannja siapa, kerna satoe bendera besar jang ada di moeka barisan ada di toelis bebrapa hoeroef. „Peng Lam Sianhong Sian Sioe Eng.”
Satoe panglima moeda pake-pakean prang berwarna poeti, tangannja pegang toembak Le Hoa Tjhio, dengen lintangken itoe sendjata mengandang di tenga djalan, hingga hal itoe bikin Taij-Ong Te Poet Pa djadi mara sekali.
Ini kepala prang sigra madjoeken koedanja menghamperi itoe panglima moeda, ia menanja dengen swara aseran: „Siapa poenja prenta kaú pegat akoe poenja perdjalanan di sini? Akoe liat kau masi begitoe moeda, roepamoe tjakep, maka apatah tiada nanti djadi menjesel kaloe akoe poenja sendjata kirim kau poedja djiwa pada Giam Lo Ong di achkerat?”
„Hm, begal jang terkoetoek!” menjentak itoe panglima moeda, jang boekan laen jalah Sianhong Sian Sioe Eng atawa Song In kita. „Akoe kira kau tjoema pandang akoe ini saorang moeda, tapi sampe di mana akoe poenja kegaga'an brangkali kau belon taoe. Kau djangan menghina, andjing, kerna akoe poen sanggoep bertempoer sama kau sampe tiga ratoes djoeroes!”
Te Poet Pa jang lagi merasa iboek dengen keada'an di goenoengnja, tempo meliat kelakoeannja Sian Sianhong djadi mara sekali. la berkata
