— 1341 —
hendak membri pertoeloengan, tapi marika tiada bisa berboeat apa-apa.
Tjo Goanswe tiada boeang temponja, itoe waktoe ia lantas kasi tanda pada tentaranja aken menjerang pada rahajat begal. Soeda tentoe sadja itoe rahajat dari goenoeng Yauw Taij tiada sanggoep tangkis itoe penjerangan jang di lakoeken begitoe goembira; penjerangannja tentara negri telah berasil bagoes, boekan sedikit rahajat begal jang kena di binasaken, jang kaboeroe lari poelang ka atas goenoeng serta bikin pendjaga,an keras, sedeng Tjo Goanswe tarik poelang barisannja.
Itoe hari djoega bebrapa panglima begal telah bikin bermoefaketan sama kawan-kawannja, dalem pembitjara'an mana telah di ambil poetoesan serta prenta brapa orang pergi ka kota Sin Shia, Hoe Jang Koan dan Tjiang Hoe Koan, kabarken pada itoe bebrapa Taij Ong tentang negri kirim barisan dan begimana marika soeda bikin penjerangan keras ka atas goenoeng.
Te Poet Pa jang paling pertama trima itoe warta, sekali poen koetika itoe penjerangan jang di lakoeken pada kota Hoe Jang Koan soeda kaliatan asilnja, tiada oeroeng soeda lantas tarik barisannja dan brangkat poelang aken menoeloeng ia poenja tempat kedoedoekan. Tapi apa maoe tempo sampe di satoe tempat barisannja telah di pegat oleh satoe pasoekan negri, jang sigra ia dapet
