— 1116 —
berboeat begitoe. Hok Tjoen liatin moeka i sadja dengen pengharepan aken mengasi tanda, tap apa maoe Dji Hoa jang setaoe doesoen enta angkoe tinggal toendoek sadja, hingga kepaksa ini orang moeda menegor dengen perkatään.
Bauw Si baroe lakoeken itoe kewadjiban tapi dengen tjara jang beratsasoeda swaminja menegor. Di sini fa orang moelai bersantap; Dji Hoa bersantap begitoe njinjil, barang hidangan jang ada di hadepannja seperti ia merasa geli dan tjoema makan brapa roepa sadja lantas minta aer minoem. Soen Nio merasa tiada enak sekali meliat kelakoeannja itoe njonja mantoe; terlebi lagi tempo liat sasoedanja minoem dengen tiada kata poeti atawa item, ia oendoerken diri dari tempat perdjamoean dan djalan ngonon ka kamarnja.
Meliat itoe kelakoean aneh atawa boleh diseboet djoega kelakoean jang koerang adjar Hong Dji dapet rasa djemoe, ini boedak liatin moekanja Soen Nio, lirik moekanja Hok Tjoen dan kamoedian liatin Bauw Si, jang djalan teroes dengen tiada nengok-nengok.
Di itoe tempo sabenernja Soen Nio merasa sanget tiada senang meliat kelakoeannja itoe njonja mantoe, tapi sebrapa bisa ia tahan sabar dan tinggal diam sadja.
Esoknja, sedeng Soen Nio soeda bangoen dan
