— 1115 —
Tjoen, kerna itoe tempo Bauw Si soeda masoek ka dalem kamarnja dan maoe djalanken kahor- matan padanja.
„Lebi doeloe kau moesti pasang hio sama semoea aboe laloehoer jang ada di sini, sasoeda itoe baroe djalanken peradatan roema tangga." kata Soen Nio jang laloe adjak itoe doea swami istri pergi pasang hio pada Hio-hwenja kaoem familie Ko dan Hok, satelah itoe baroe membri hormat pada Soen Nio, sedeng Tjhia Si, istrinja Bauw Hian, dan brapa boedak laen penganternja Dji Hoa, poen membri hormat pada itoe njonja roema.
Kamoedian ini nona penganten lantas doedoek.
Boedjang prempoeannja dengen pegang kipas ada berdiri di blakangnja seraja mengipas pergi dateng, hingga Soen Nio liat begitoe dapet rasa sedikit djemoe. Soen Nio lantas prenta orang bikin bresi satoe kamar boeat Tjhia Si dan laen-laen boedak lagi; kamar boeat marika itoe jalah bekas kamarnja The Koen.
Tiada antara lama Hong Dji jang di prenta atoer barang santapan telah bri faoe, barang hidangan soeda tersedia. Soen Nio laloe adjak Hok Tjoen dan mantoenja doedoek berdjamoe, sedeng Hong Dji jang melajanken.
Paling doeloe Hok Tjoen kasi slamet satoe tjawan arak pada Soen Nio; tapi Dji Hoa tiada
