— 1117 —
Tjoen
ka ga soeda lama telah slese berias, adalah Bauw si blon kaliatan dan njata ia masi blon berlaloe dari pembaringan: tempo matahari soeda naik tinggi, di mana soeda dateng waktoenja bersantap, baroe itoe mantoe jang manis dateng di medja djamoe.
Di itoe hari sabenernja Soen Nio ada hadiaken brapa roepa barang permata boeat bri persen pada mantoenja, di waktoe ia dateng membri slamet pagi dengen membawa setjawan thee, tapi tentoe sadja itoe barang persenan ia pegangin sadja koetika liat Bauw Si berdiri sadja, sekali-poen waktoe bersantap ada doekoek dengen berhadepan.
Begitoe sateroesnja ini penganten-baroe oendjoek kelakoean jang koerang bagoes dan tiada mengenal atoeran. Tegesnja pada Soen Nio, sebagi ia poenja mertoea, ia blon perna membri satjawan thee atawa membri slamet di waktoe pagi, temponja doedoek ia doedoek, tempo makan dan waktoe pergi poen pergi dengen tjara jang begitoe merdika. Djika maoe dikata doesoen dan tiada terpeladjar ini tiada bisa djadi, kerna Dji Hoa itoe ada terpimpin dan terdidik baek dalem sekola, sedeng kaloe dikata ia sanget agoeng inilah brangkali ada lebi betoel.
Bermoela bisa djoega Soen Nio tahan hati dan tinggal sabar tapi sebab kaseringan dan selamanja
