— 1267 —
Pada satoe poehoen di sitoe ia dapetken ada tertambat tiga koeda, jang satelah ada ia poenja koeda boeloe item sedeng doea koeda jang laen, jaitoe koeda jang di pake menarik kandaran.
Tentoe sadja hal ini bikin hatinja Tjo Kongtjoe merasa girang, kerna dengen tiada di doega ia dapetken koedanja di itoe tempat.
Pembatja tentoe ingin menanja siapa adanja itoe tiga orang dalem itoe bio? Soepaja djadi terang bagi ini tjerita, di sini kita moendoer sedikit, toetoerken siapa adanja itoe orang-orang.
Itoe doea orang jang berpakean setjara orang lelaki, jalah Soe Kong dan Hwe Kong, itoe doea Niko doerhaka jang doeloe tinggal di dalem bio Pek le Am, di mana pembatja tentoe masi blon loepa. begimana itoe doea orang doerhaka soeda berboeat atas dirinja Kou Kongtjoe, koetika itoe orang moeda noempang nginep di tempatnja, sedeng itoe orang lelaki jang lagi tidoeran, jalah saorang bernama Joe Liok alias Joe Lo Tji (tikoes toea), kandanja Joe Siotjia, jang telah djoeal itoe gadis pada Ong Ma.
Sasoedanja tipoe Kou Kongtjoe di itoe hari, moelai dari itoe tempo Soe Kong dan Hwe Kong rasa pengidoepannja di dalem itoe bio djadi koerangan, maka ia orang berdoea lantas oendoerken diri dari sana dan kabetoelan bertemoe pada
Joe Liok dalem itoe bio, di mana ia orang lantas tinggal bersama sama.
