— 1264 —
liat laen dari pada poehoen poehoen kajoe dan goenoeng-goenoeng sadja.
„Heran sekali," kata ia, sala akoe ada berada dalem sekarang kaloe tiada satoe pagoenoengan, tapi kenapa itoe ada asep di sana sini? Apa brangkali di ini goenoeng ada orang jang tinggal?"
Itoe asep ada kaliatan deket sekali, tapi satelah disoesoel ternjata ada di tempat laen, hingga itoe orang moeda merasa terlebi heran.
Orang tentoe tiada sangkal, keada'an di tana pagoenoengan laen sekali dengen keada'an di tempat biasa, seperti di dalem kota atawa kampoeng. Tana-tana di goenoengan kebanjakan boelak-biloek, tinggi dan renda, hingga apa-apa jang kaliatan deket padahal djaoe. Begitoe djoega telah kedjadian dengen Tjo Kongtjoe; ia soesoel itoe asep jang didoega tiada bebrapa djaoe, tapi sasoedanja djalan merasa tjape blon djoega dapet disoesoel, malahan djadi semingkin djaoe.
„Apatah akoe boleh pertjaja itoe asep ada kaloear dari dapoernja orang?" begitoe kamodian ia menanja sama diri sendiri sembari memandang ka itoe djoeroesan. Apatah boekan asep jang terbit dari hawa goenoeng, seperti akoe sering liat di laen-laen tempat kebanjakan?"
Boeat dapet djawab itoe pertanja Boen Pa merasa sanget soeker. la maoe bilang asep itoe
