— 1262 —
oedjian di kota radja, ini pedang Tetjoe maoe boeat pertandaän, di mana tadjemnja djato, Teljoe poenja koeda tentoe ada di itoe djoeroesan jang di oendjoek.
Seabisnja kata begitoe Tjo Kongtjoe sigra lempar pedangnja dengen ka atas, kamodian djato kombali dan oedjoeng tadjemnja menoendjoek ka djoeroesan Barat-Oetara.
Ini orang moeda lantas berloetoet membilang trima kasi, sasoedanja itoe lantas brangkat ka itoe djoeroesan, sebagimana jang ia dapetken dengen pengoendjoekannja sendjata tadi.
Maski begitoe tapi pertjoema sadja: Ia soeda berdjalan bebrapa poeloe paal djaoenja dari, tempat tadi, aken tetapi itoe koeda jang di tjari blon bisa dapet di ketemoeken; pikirannja itoe orang moeda djadi semingkin doeka ia tiada taoe, ka mana ia moesti pergi boeat dapat tjari itoe binatang jang ia sanget sajang.
Pada satoe bawa poehoen ia lantas doedoek mengaso, ia pelok loetoetnja sembari sabentar-bentar mengela napas. Ia merasa dirinja sanget tiada beroentoeng; boleh di bilang itoe tempo ada satoe koetika jang baek boeat ia bisa dapet pangkat, tapi apa tjilaka Allah kaliatan tiada maoe membri berka, kerna dengen mendadak ia dapet itoe halangan.
Angin koetika itoe ada menioep keras sekali
