— 1205 —
rang, laloe prenta Joe Kong toelis soerat pengadoean boeat di persembaken pada Tek Tikoan di kota Gie Jang. Kamodian ia sendiri dengen doedoek kandaran lantas ka plaboean aken tengok maitnja Hok Tjoen.
Soeda tiada oesa di bilang lagi begimana ini prempoean doerhaka lantas tangisin mait swaminja begitoe sedi, padahal itoe semoea tjoema berpoera-poera sadja.
Yoe Siotjia poen soeda ketemoeken itve prempoean doerhaka, pada siapa ia menjataken menjeselnja Hok Tjoen telah binasa dengen tjara jang mengeres sekali, terlebi djaoe ia toetoerken, begimana pamoeda itoe soeda berboeat banjak kebaekan atas dirinja selama ada dalem pelajaran.
Bauw Dji Hoa oetjapken bebrapa perkata'an hiboerken hatinja itoe nona seraja berkata: „Akoe poen tiada doega swamikoe ada membawa peroentoengan jang begini tjilaka; dari tempat djaoe Siotjia di adjak ka mari, sampe di sini kau ditinggalken begini roepa. Tapi Siotjia djangan pikirin apa-apa, esok akoe nanti kirim kandaran dan boeat samentara waktoe tinggal sadja sama- sama akoe, nanti boleh berdami lagi bagimana baeknja."
Pande betoel itoe keparat berlakoe manis, hingga Yoe Siotjia pertjaja betoel dan mengoetjap trima kasi.
