— 1206 —
Itoe hari sapoelangnja dari plaboean Bauw Dji Hoa bersama Bauw Hian lantas pergi ka kantoornja Tek Tikoan, di mana ia persembaken soerat pengadoean, dalem Yoe Siotjia di toedoe soeda meratjoenken swaminja, lantaran sakit hati jang ia maoe di bikin djadi goendik.
Satelah trima itoe pengadoean pembesar terseboet tiada brani berlako ajal lagi. la sendiri lantas pergi preksa maitnja itoe doea orang, jang ternjata bener mati lantaran makan ratjoen, begitoe djoega Yoe Lian Eng dan Heng Hoa sigra di tangkep di bawa ka kantoornja aken di preksa lebi djaoe.
Sekarang itoe gadis baroe dapet kenjata'an, bahoea Bauw Si poenja bitjara jang manis tiada tjoekoep berharga aken di pertjaja. Sasoeda di denger berbagi-bagi katerangan dari fihaknja Bauw Hian, itoe pembesar lantas silaken Yoe Siotjia mengadep dan tanja, lantaran begimana maka ia meratjoenken sampe mati pada Hok Tjoen dan pengikoetnja.
„Sekali-kali akoe tiada trima bila akoe ditoedoe soeda meratjoenken Hok Siangkong," kata Yoe Lian Eng., Bermoela betoel ia minta akoe djadi istrinja dan dengen alesan baek akoe soeda oeroengken ia poenja maksoed dengen tiada membikin hatinja terbit pengrasa'an jang koerang senang. Djoega selama ada dalem palajaran akoe sering dapet ia poenja
