— 1204 —
Bauw Hian poera poera bingoeng, treakin toekang praoe, hingga di sa'at itoe djadi kalang kaboet.
„Bauw Heng, pergi naek ka darat panggil tabib!" kata sala satoe itoe toekang praoe, „kaloe tiada tjepet dapet pertoeloengan ini doea orang aken...."
Blon abis ia berkata Hok Tjoen dan Lo Keng mengglisa'an lebi keras, tapi pelahan-pelahan lantas brenti. Satelah dipreksa njatalah itoe doea orang soeda tiada napasnja lagi; dari saban lobang anggoto badannja telah mengeloearken banjak dara. Kasian!
Yoe Si koetika denger swara riboet-riboet lantas prenta Heng Hoa pergi ka loear aken liat ada terdjadi perkara apa, tiada lama jang diprenta soeda balik kombali dan tentoe sadja Yoe Siotjia djadi sanget kaget tempo boedaknja kasi taoe, Hok Tjoen dan Lo Keng doea-doea mendadak telah binasa.
Bauw Hian djahanam djoega toeroet menangis, sasoedanja benaken barang-barangnja dan sasoedanja pesen djoega pada toekang praoe boeat toeloeng djaga doeloe maitnja itoe doea orang, pagi-pagi ia poelang ka Ho Hap Po ketemoeken B uw Si dan hendak trima oepa atas ia poenja pakerdja'an jang soeda berasil bagoes.
Itoe prempoean doerhaka tentoe sadja djadi gi-
