— 1197 —
„Boekan begitoe, Nio Tjoe," kata Joe Kong, jang lantaran kwatir Dji Hoa membentji teroes-teroesan padanja, maka apa boleh boeat ia paksa dan berlakoe brani.
„Kau poenja pakerdja'an akoe nanti bantoe menoendjang," kata ia lebi djaoe, „tjoema akoe kwatir Bauw Hian tiada soeka toeroet kita poenja prenta."
„Bauw Hian ada djadi akoe poenja orang kaw pertjaja'an, apa lagi kaloe di kasi oewang, djangan kata baroe perkara begitoe, biar poen oeroesan jang lebi soeker, tentoe ia nanti kerdjaken sebagimana akoe poenja prenta." kata itoe prempoean doerbaka.
Kamoedian ia prenta satoe boedak prempoean pergi panggil Bauw Hian di dalem.
Koetika jang di prenta masoek ka dalem, ia dapetken Bauw Hian masi doedoek bersantap. la kata: „'nko Hian, abis makan nona minta kau lantas kaloear."
„Maoe apa?" tanja ia.
„Itoe boedjang prempoean lantas dateng mendeketin, ia kasi taoe apa jang Bauw Si dan Joe Kong bitjaraken baroesan, sasoeda itoe ia menanja, apa ia, Bauw Hian, soeka toeroet lakoeken itoe prenta.
„Djangan kata baroe perkara begitoe, kendatiken prenta apa djoega akoe poen nanti toeroet,“
