— 1198 —
saoet Bauw Hian, ia ada kita poenja madjikan, jang setiap boelan bajar gadji pada kita, maka tjara begimana ia poenja tita tiada di toeroet?"
Sablonnja itoe boedjang prempoean menanjaken apa-apa lebi djaoe, Bauw Hian soeda slese mengisi peroetnja dan boeroe-boeroe kaloear ketemoeken Dji Hoa.
„Sekarang akoe soeda makan, nona mane prenta apa?" ia menanja.
Bauw Dji Hoa kaloearken saboengkoes oewang kira-kira sepoeloe tail banjaknja. la kasiken itoe pada Bauw Hian serta kasi taoe begimana ia moesti djalanken prentahannja. Kamoedian ia kata: „Kau mengarti, ini pakerdja'an haroes dipegang resia. Djika kau tiada berlakoe ati-ati dan laen orang dapet taoe, boekan pakerdja'an djadi berasil, sebaliknja diri kita orang aken dapetken bahaja besar.“
„Djangan kwatir, nona," kata Bauw Hian. „Nona toch soeda kenal baek akoe poenja sasoeatoe pakerdja'an, maka kendatiken, tiada di pesen akoe sampe mengarti begimana moesti berboeat."
Bauw Si djadi girang sekali, seabisnja memesen poela banjak perkata'an ia lantas prenta Bauw Hian tjepet lakoeken itoe pakerdja'an.
