— 51 —
Toewan littenan Luske itoe lantas soeroh semboeni badan, voorspits dan patroeli sebelah kanan kiri di soeroh rapat lagi.
Hoofdtroep, itoe djoega lantas bikin halt, boewat soeroh koempoel koeli-koeli itoe. Ini soesah sekali, sebab orang tjina itoe, kaloe baroe moelai pasang sedikit sadja, lantas beterajak seperti soedah di boenoh.
Voortroep itoe djoega soedah pasang tadinja. Toewan littenan Luske sebentar sadja soedah kena loeka; doeloe tangan kirinja kena loeka, lantas ketejak kanannja.
Tetapi littenan itoe tinggal kommandeer sadja orang-orangnja; sampej kena pelor di atas pahanja; baroe sekarang dija djatoh.
Tempo orang-orang Atjee lihat itoe, lantas dija soerak. Dengan tjepat sekali dija madjoe, sampej kira-kira lima poeloeh pas dari soldadoe-soldadoe itoe. Tetapi sekarang di tarima dengan salvovuur dari hoofdtroep, jang datang toeloeng voortroep itoe. Moesoh itoe djadi tida brani madjoe.
Toewan littenan Everts itoe lihat djatoh temannja. Lantas dengan satoe selompret dija di bawa ka belakang. Tetapi sekarang ini moesoh madjoe lagi, maoe toebroek dengan klewang. Soldadoe-soldadoe baroe, jang lihat itoe, moelai djadi takoet
