Ado sabanta didalam bendi, takana pulo siGadih Ranti, raso di ruang-ruang mato, dek pangana ka si Ranti, tidak dirasomaso itu, bendi baranti di laman, dianjua naiak ka rumah, ditingkek janjang nangadang.
Lah tibo di ateh rumah, dibukak pakaian hanyo lai, duduak bajuntai di kurisi, sanan bakato kamanakannyo, “Manolahmamak Angku Kapalo, nasi lah lamo tahedang."
"Kalau baitu kato kau Upiak, paruik nan sangaik litak bana," lalu dikisa duduak ka tangah rumah, duduak baselo ateh kasua, hedangan talatak lah dimakan, disuok nasiduo suok, cukuik katigo inyo baranti, dibasuah tangan hanyo lai, diisok rokok nan sabatang, asok mandulang ka udaro, takana rupo siGadih Ranti.
Hari Rabaa ramilah pakan
Rami di urang jua bali;
Disiko kaba dihantikan
Dialiah kaba hanyo lai.
10
