PERINGETAN DARI TEMPO DOELOE.
roesaha'an berdjalan dengen baek dan mengoentoengken.
Maski kakaja'annja senantiasa bertambah, Tham Tjay poenja hati tida merasa senang dan poeas. Di bagian sabelah dalem dari ingetannja masih ada menjelip apa-apa jang mengganggoe dan mendjengkelken. Bermoelah hatinja merasa panas dan mendongkol pada iapoenja doea ipar, jang soedah moesoehin dan bikin toedoeh-toedoehan djelek pada dirinja jang disangka, koetika mendjadi koeasa dari mertoeanja poenja peroesaha'an, telah berlakoe tjoerang goena kaoentoengan sendiri. Koetika achirnja peroesaha'an dari Firma Thian Gwan mendjadi moendoer dan kaloet lantaran pimpinan jang djelek dari itoe poetra poetra jang masih idjo dan lagi kena disaingin dan langganan-langganannja direboet oleh Tham Tjay, hingga itoe doea ipar achirnja dinjataken failliet, baroelah hatinja merasa senang. Tapi toch masih teroes ada apa-apa jang koerang enak dalem Tham Tjay poenja ingetan, jang ia sebabken lantaran ganggoean dari istri dan kadoea poetranja jang sanget boros dan tida berentinja merongrong hingga sering timboel pertjektjokan dan ia tida bisa hidoep tentrem. Koetika iapoenja istri dan itoe doea anak meninggal, hal mana membikin ia terbebas betoel betoel dari ganggoean familie, dan salandjoetnja boleh toeroetin kasoeka'an hati sendiri dalem segala hal, itoe kadjengkelan dan kamendongkolan masih berdjalan teroes, maski ia sendiri tida sanggoep terangken sebabnja jang betoel kenapa bisa moentjoel itoe perasa'an. Iapoenja sikep keras boeat tida maoe kenal pada familie sendiri atawa dari fihak istrinja, dan iapoenja tida soeka bertjampoer gaoel sama orang katjoeali
66
