PERINGETAN DARI TEMPO DOELOE.
bersama iboenja balik ka Java, Tham Tjay poen toeroet menganter sampe ka Semarang, dimana laloe dirajaken oepatjara pertoendangan, dan komoedian Tham Tjay balik kombali ka Singapore dari mana, satoe taon komoedian, ia dateng lagi ka Java boeat menika, tapi sekarang ia tida pergi lagi ka tanah sebrang, sebab oleh mertoeanja ia disoeroe oeroes kantoor dari firma Thian Gwan di Batavia.
Doea taon komoedian ia dipindahken ka Semarang boeat pegang pimpinan atas hoofdkantoor, lantaran mertoeanja berpenjakitan. Di itoe koetika Tham Tjay boleh dibilang soedah mendjadi chef sendirian, kerna mendapet kakoeasa'an penoeh boeat oeroes segala hal. Tapi baroe berdjalan satoe taon iapoenja mertoea meninggal doenia, jang bikin segala apa djadi berobah.
Tham Tjay poenja istri ada anak jang dilahirken oleh istri kadoea, sedeng dari istri jang pertama sang fauwkee dapet doea poetra lelaki jang teroesken peladjarannja ka Europa. Koetika ajahnja wafat itoe doea poetra, maski peladjarannja belon loeloes, lantes balik ka Java dan laloe pegang pimpinan atas peroesaha'an. Sadari masih anak-anak marika memang tida tjotjok dengen itoe soedara prampoean tiri, istrinja Tham Tjay, dan ini gandjelan hati pengaroehin djoega perhoeboengan dengen tjihoe-nja, jang koerang diendahin, malah dimoesoeh dan ditjoerigain oleh oleh itoe doea ipar. Kasoedahannja Tham Tjay. jang soedah koempoel banjak kapitaal dan dapet djoega warisan dari istrinja, ambil poetoesan aken berdagang sendiri, tida maoe tjampoer lagi pada peroesaha'an dari ipar iparnja, dan laloe pindah ka Batavia dimana, lantaran soedah tjoekoep mengarti selak-seloeknja perdagangan, iapoenja pe-
65
