PERINGETAN DARI TEMPO DOELOE.
padanja boeat minta ia djangan mendakwa, dan akoe nanti bikin acceptatie boeat bajar itoe lima ratoes dalem tempo tiga boelan. Bagimana, apakah kaoe setoedjoe?”
„Kaloe entjek bisa atoer begitoe, ada baek sekalih,” Tham Tjay menjaoet.
„Nah, marih kita pergi mengadep sama-sama,” kata itoe orang toea, jang lantes masoek ka dalem boeat ambil badjoenja.
„Owe maloe boeat ketemoe pada tauwkee djikaloe ini oeroesan belon beres,” Tham Tjay bikin kaberatan. „Owe lebih soeka toenggoe sadja disini sampe entjek balik dan kasih kabar bagimana kasoedahannja. Kaloe tida bisa beres, owe moesti lantes menjingkir ka laen tempat, soepaja djangan sampe besok pagi kena ditahan oleh politie.”
„Begitoe poen baek, akoe harep ini oeroesan bisa djadi beres, djangan koeatir,” kata Seng Lie jang lantes berangkat.
Tham Tjay doedoek menoenggoe dengen hati berdebar-debar dan penoeh rasa koeatir; ia boe kan takoet pertjoba'annja Seng Lie nanti gagal, hanja kerna baroesan ia tida toetoerken antero kasa'ahannja, hanja dioempetken itoe bagian jang tauwkeenja toedoeh ia kaloearin barang dengen sekongkol sama langganan, perboeatan mana pastilah aken diketaoei djoega oleh itoe bakal mertoea, hingga dirinja aken dipandang rendah. Djoega dari ini pertemoean Seng Lie nanti dapet taoe jang iapoenja gadji sabetoelnja tjoemah f 12.50 saboelan, sedeng ia mengakkoe dibajar f 50, jaitoe ampat lipet dari jang sabenernja, hingga iapoenja mendjoesta djadi kataoean. Jang paling tjilaka, Seng Lie poen nanti insjaf, bahoea itqe oewang jang ia titipken boekan kalebihan
33
