PERINGETAN DARI TEMPO DOELOE.
dari gadjinja jang ketjil, hanja dari lakoeken katjoerangan dengen djalan menipoe dan mentjoeri boeat karoegian iapoenja tauwkee. Dari sebab ia taoe betoel Seng Lie dan Sian Nio ada sanget membentji pada kapalsoean dan katjoerangan, maka ia poen koeatir sekalih kasoedahan dari ini oeroesan, maski bisa loepoetken ia dari bahaja masoek dalem boei, membikin pengharepannja boeat menika pada Sian Nio djadi moesna sama sekalih, kerna Seng Lie tentoe tida soeka mempoenjai mantoe satoe badjingan.
Semingkin. djaoe ia memikir, Tham Tijay insjaf jang kadoedoekannja ada djadi bertambah soeker, kerna biarpoen oeroesan sama tauwkeenja bisa dibikin beres debgen tida membawa kasoedahan djelek bagi dirinja katjoeali ilang pakerdjaan, masih ia bakal alamken poekoelan heibat lantaran termoesna itoe angen-angen boeat bikin Sian Nio djadi istrinja. Resia dari iapoenja katjoerangan nistjaja tida aken diketaoei oleh itoe bakal mertoea djikaloe kiranja ia tida minta kombali itoe oewang jang dititipken dan jang Seng Lie tida bisa lantes adaken. Memikir sampe disini Tham Tjay seselin diri sendiri jang berlakoe begitoe bodo aken titipken itoe oewang pada laen orang, kerna djikaloe ada di tangannja ia bisa lantes penoehken apa jang tauwkee-nja minta zonder banjak rewel lagi hingga Seng Lie tida nanti dapet taoe apa-apa; betoel dengen begitoe pengharepannja aken lekas menika pada Sian Nio moesti dibatalin sampe ia soedah bisa dapet pakerdja’an dan koempoel oewang lagi, tapi dirinja tida terpandang boesoek oleh itoe gadis dan orang toeanja, hingga perdjodoannja masih bisa dilangsoengken biarpoen moesti menoenggoe lagi beberapa taon. Kapan sekarang ia soedah terpandang boesoek oleh
34
