PERINGETAN DARI TEMPO DOELOE.
nja, tapi itoe toekang waroeng ketjil tida ada taksiran bisa dapet.
Achirnja ia inget Sian Nio ada pake beberapa matjem barang permata jang kaloe digadeken brangkalih ada harga satoe doea ratoes roepiah. Maka ia memberi pikiran pada Seng Lie boeat tjari oewang dengen djalan menggade.
„Oh, tida bisa, Tjay," saoet itoe orang toea. „Itoe barang perhiasan, jang kaloe digadeken belon tentoe lakoe boeat sarato es roepiah, ada disimpen oleh Sian poenja mamah, jang sekarang lagi tengok orang toeanja di Batavia, dan belon tentoe ia bakal balik dalem satoe minggoe, Ada kaperloean apakah kaoe begitoe kesoesoe sama itoe oewang?”
Maoe atawa tida Tham Tjay terpaksa moesti toetoerken kasoekerannja, hal ia soedah bikin tekort oewang rekening f 100 dan bakal diserahken pada politie djikaloe tida lantes diganti f 500.
„Tapi mengapakah sedeng kaoe bikin tekort tjoemah saratoes, moesti mengganti lima ratoes?” menanja Seng Lie dengen heran.
„Sebab owe poenja tauwkee sangka masih ada lagi laen-laen katekoran jang ia belon dapet oesoet, dan itoe jang ampat ratoes ada sabagi tanggoengan kaloe komoedian ada terdapet katekoran lebih banjak.”
„Tapi berapakah sabetoelnja oewang jang kaoe kena pake?”
„Tjoemah saratoes roepiah lebih,” Tham Tjay mendjoesta. „Tapi ini soedah tjoekoep boeat bikin owe masoek dalem boei kaloe tida lekas adaken itoe oewang lima ratoes.”
„Kaloe begitoe ada gampang,” saoet Seng Lie sambil berbangkit. „Akoe kenal kaoe poenja tauwkee, dan sekarang akoe maoe lantes pergi
32
