PERINGETAN DARI TEMPO DOELOE.
95 pCt bakal dibikin loedes.
Tham Tjay poen taoe bahoea kabanjaken orang, moeda atawa toea, kapan mendadak terima warisan atawa dapet tarik prijs jang loemajan dari loterij oewang, atawa dapet kamenangan besar dari perdjoedian, djarang sekalih jang bisa simpen dan goenaken itoe oewang dengen pantes, hanja lantes oendjoek karojalan satjara gendeng dan sia-sia jang menjebabken, berselang sedikitempo, itoe kakaja'an djadi merosot atawa moesna sama sekalih. Toeroet iapoenja pemandangan tida ada satoe di antara kaponakan-kaponakannja jang bisa hidoep himat dan radjin bekerdja, hanja samoea terdiri dari pamoeda pamoeda bodo, pemales, kepala besar, koerang adjar, bertabeat boesoek, tida poenja kamampoean salaennja boeat djadi koeli jang moesti terima laen orang poenja perentah, tida bisa pake pikiran dan kapinteran sendiri. Tham Tjay bergidik kapan inget antero milik dan kakajaannja bakal djatoh di tangan ini pamoeda-pamoeda jang ia bentji, pandang rendah dan soedah lama ia tida maoe kenal, sedeng iaosang sendiri tida soeka akkoe atawa pandang Tham Tjay sabagi satoe oom, hanja, malah membentji dan sering memboesoekin. Boekankah terlaloe gila djikaloe itee kakaja'an jang ia koempoel berpoeloehan taon dengen begitoe soeker dan poeter otak tida berentinja, achirnja terdjatoh di tangan itoe orang-orang jang sekarang memoesoehin dan memboesoekin padanja ?
Tham Tjay menggeroeng, mengoetoek dan merintih dari gemes dan goesarnja kapan membajangin pada itoe samoea, dan pada apa jang bakal kadjadian kapan ia soedah menoetoep mata.
Djikaloe hal begini terdjadi pada saoerang jang
19
