PERINGETAN DARI TEMPO DOELOE.
soeka tjampoer kong-ek dan bekerdja goena sia-hwe, menoeloeng bangsa atawa menoendjang negri, pastilah pemberesannja tida terlaloe soeker : Ia bisa serahin miliknja boeat menoendjang pendirian-pendirian amal jang membikin namanja termashoer, didjoengdjoeng dan teringet dalem tempo jang lama. Tapi Tham Tjay tida perna toedjoein perhatiannja ka itoe djoeroesan ; ia tida ketarik pada toeladan dari Tan Kah Kee, Auw Boen Houw dan laen-laen ; ia pandang kagoena'annja oewang tjoemah boeat dipoeterin dalem kalangan dagang, menarik kaoentoengan soepaja bertambah banjak, seperti alat dalem pergoeletan boeat menambahin kakaja'an, dari mana si soedagar boleh memetik hatsil oentoek kasenangan diri sendiri tapi boekan boeat kaberoentoengan dan kaenakan laen-laen orang jang bodo dan males, jang koedoe ditoeloengin dari kasoesahannja. Ini tjara menggoenaken oewang boeat dapet poedjian, pengharga'an dan kamashoeran soepaja diseboet „dermawan", Tham Tjay tida setoedjoe, kerna katanja tida bantoe bikin baek economie Tionghoa, malah menambahin males dan koerang giatnja golongan miskin dan werkloos, lantaran mengandel pada toendjangan dari kaoem hartawan jang borosken oewangnja boeat „dapet nama," hingga ada banjak orang jang baroe sadja kakaja'annja menjat atawa naek sedikit, dan miliknja jang bersih belon tjoekoep satengah ton, soedah mandek dan merosot lagi, malah ada djoega jang teroes bankroet, lantaran diborosin goena dapet nama termashoer dan poedjian. Maka boeat dermaken kakaja'annja oentoek maksQed amal Tham Tjay sama djoega djidjinja seperti warisken itoe pada iapoenja kaponakan-kaponakan jang pemales, bodo dan lojar.
20
