PERINGETAN DARI TEMPO DOELOE.
ada atoeran jang Tham Tjay sanget tida setoedjoe, kerna pada itoe beberapa neef — anak-anak dari soedara-soedaranja — soedah lama ia tida maoe kenal lagi lantaran marika poenja sikep bermoesoeh dan koerang adjar, sering memboesoekin padanja, jang dipandang sanget pelit dan kedjem. Maka sekarang Tham Tjay poenja kadjengkelan lantaran merasa kasepian dan hidoep teräsing, dibikin tambah oleh soeal wariskan miliknja, jang ia tida taoe pada siapa haroes diserahken kapan ia menoetoep mata.
Sabagi satoe soedagar jang tjerdik dan awas Tham Tjay poen ada liat djoega bagimana tjara bekerdjanja pamoeda-pamoeda jang baroe terima warisan, jang katanja hendak goenaken oewangnja boeat berdagang soepaja bisa bertambah banjak dan memberi hatsil bagoes. Dari sapoeloeh jang lakoeken itoe pertjobaän dengen pake tenaga dan kapandeannja sendiri, ada sembilan jang gagal dan kena roegi, malah ada djoega jang djadi moesna atawa roedin sama sekalih, lantaran pake ongkos besar, bertindak satjara keliroe, bodo dan gegabah, terlaloe pertjaja atawa soeka mengandel sama laem orang hingga gampang djadi korban dari penipoe dan toekang-toekang sikoet, dan jang paling teroetama ada itoe kaälpaän boeat toemplek perhatiannja pada pakerdjaän, hanja lebih ingetin plesier, dan banjak laen-laen tjatjat lagi jang membikin itoe dagangan djadi terlantar dan kaloet. Maka djikaloe Tham Tjay serahin kakajaännja pada salah-satoe kaponakan jang kabetoelan ada nafsoe boeat toeroet tindakannja dalem kalangan dagang, ia masih moesti merasa ngeri kapan pikiran pamoeda-pamoeda sekarang poenja kabodoan dan kamalesan, hingga ada risico
18
