PERINGETAN DARI TEMPO DOELOE.
boeat minta pertoeloengan atawa toendjangan ini dan itoe; ia merasa bergidik dan koeatir saban kalih dikoendjoengin oleh pemimpin-pemimpin kong-ek, jang kabanjakan toedjoeannja tjoemah boeat minta ia kaloearin oewang tida berentinja. Maka sadari tinggal tetirah di Soeka dingin ia laloe goenain sapenoehnja itoe nasehat dari dokter boeat djaoehin diri dari segala apa jang bisa bikin poesing pikiran, dengen soeroe jongosnja kasih taoe pada orang-orang jang hendak ketemoe bahoea iapoenja kasehatan tida mengidzinken aken terima tetamoe. Dan boeat tegoehken itoe penjiaran, Tham Tjay djarang kasih liat dirinja di pekarangan atawa di serambi moeka, hanja selaloe tinggal di dalem atawa, kapan perloe maoë djalan-djalan dan dapet oedara seger, ia pergi ka kebon belakang jang terkoeroeng pager tembok, sedeng pintoe pintoe depan dari itoe roemah selaloe tertoetoep rapet, dan kaloe malem djarang dipasangin lampoe. Dengen begitoe Tham Tjay telah toetoep atawa koeroeng dirinja sendiri seperti saorang jang dipendjara. Tetamee satoe-satoenja hanja dokter jang mengobatin, jang biasa dateng saban tiga hari satoe kalih. Malah orang-orang jang tinggal di depan dan di samping roemahnja djarang liat pada Tham Tjay; iapoenja auto tinggal mendjoglok dalem garage, tjoemah saban boelan satoe kalih ia goenaken kapan pergi ka Batavia boeat beroeroesan pada koeasa dan paseronja, atawa pergi pada salah-satoe bank, sekalian koendjoengin satoe dokter sepecialist oentoek dipereksa kasehatannja.
Sadari dateng tetirah di Soekadingin pri kasehatannja Tham Tjay djadi bertambah madjoe; maski toeboehnja masih lemah, tapi iapoenja
11
